ಮಂಗಳವಾರ, ಸೆಪ್ಟೆಂಬರ್ 3, 2013

ಚಂದಿರನೇತಕೆ ಓಡುವನಮ್ಮ


ಚಂದಿರನೇತಕೆ ಓಡುವನಮ್ಮ 
ಮೋಡಕೆ ಹೆದರಿಹನೇ 
ಬೆಳ್ಳಿಯ ಮೋಡದ ಅಲೆಗಳ ಕಂಡು 
ಚಂದಿರ ಬೆದರಿಹನೆ?

ಹಿಂಜಿದ ಅರಳೆಯು ಗಾಳಿಗೆ ಹಾರಿ 
ಮೋಡಗಳಾಗಿಹವೇ?
ಅರಳೆಯು ಮುತ್ತಿ ಮೈಯನು ಸುತ್ತಿ 
ಚಂದ್ರನ ಬಿಗಿಯುವವೇ?

ಮಂಜಿನಗಡ್ಡೆಯ ಮೋಡವು ಕರಗಲು
ಚಂದಿರ ನಗುತಿಹನು 
ಕರಗಿದ ಮೋಡದ ಸೆರೆಯನು ಹರಿಯುತ 
ಬಾನಲಿ ತೇಲುವನು

ಚಂದಿರನೆನ್ನಯ ಗೆಳೆಯನು ಅಮ್ಮಾ 
ನನ್ನೊಡನಾಡುವನು
ನಾನೂ ಓಡಲು ತಾನೂ ಓಡುವ
ಚೆನ್ನಿಗ ಚಂದಿರನು 

ಬಾ ಬಾ ಚಂದಿರ ಬೆಳ್ಳಿಯ ಚಂದಿರ 
ನಮ್ಮಯ ಮನೆಗೀಗ 
ನಿನ್ನಯ ಬೆಳಕನು ಎಲ್ಲೆಡೆ ಚೆಲ್ಲಿ 
ಮನವನು ಬೆಳಗೀಗ

ಸಾಹಿತ್ಯ: ನೀ. ರೆ. ಹೀರೇಮಠ


Tag: Chandiranetake Oduvanamma

ಕಾಮೆಂಟ್‌ಗಳಿಲ್ಲ: