ಬುಧವಾರ, ಸೆಪ್ಟೆಂಬರ್ 4, 2013

ದೇವ ಬಂದ


ದೇವ ಬಂದ ನಮ್ಮ ಸ್ವಾಮಿ ಬಂದನೊ
ದೇವರ ದೇವ ಶಿಖಾಮಣಿ ಬಂದನೊ 

ಉರಗಶಯನ ಬಂದ ಗರುಡಗಮನ ಬಂದ
ನರರಿಗೊಲಿದವ ಬಂದ ನಾರಾಯಣ ಬಂದ 

ಮಂದರೋದ್ದರ ಬಂದ ಮಾಮನೋಹರ ಬಂದ
ಬೃಂದಾವನಪತಿ ಗೋವಿಂದ ಬಂದನೊ 

ನಕ್ರಹರನು ಬಂದ ಚಕ್ರಧರನು ಬಂದ
ಅಕ್ರೂರಗೊಲಿದ ತ್ರಿವಿಕ್ರಮ ಬಂದನೊ

ಪಕ್ಷಿವಾಹನ ಬಂದ ಲಕ್ಷ್ಮಣಾಗ್ರಜ ಬಂದ
ಅಕ್ಷಯ ಫಲದ ಶ್ರೀಲಕ್ಷ್ಮೀರಮಣ ಬಂದನೊ 

ನಿಗಮಗೋಚರ ಬಂದ ನಿತ್ಯತೃಪ್ತನು ಬಂದ
ನಗೆಮುಖ ಪುರಂದರವಿಠ್ಠಲ ಬಂದನೊ

ಸಾಹಿತ್ಯ: ಪುರಂದರದಾಸರು


Tag: Deva banda namma

ಕಾಮೆಂಟ್‌ಗಳಿಲ್ಲ: