ಶುಕ್ರವಾರ, ಸೆಪ್ಟೆಂಬರ್ 6, 2013

ರೆಕ್ಕೆ ಇದ್ದರೆ ಸಾಕೇ

ರೆಕ್ಕೆ ಇದ್ದರೆ ಸಾಕೇ
ಹಕ್ಕಿಗೆ ಬೇಕು ಬಾನು
ಬಯಲಲಿ ತೇಲುತ ತಾನು
ಮ್ಯಾಲೆ ಹಾರೋಕೇ

ಕಾಲೊಂದಿದ್ದರೆ ಸಾಕೇ
ಚಿಗರಿಗೆ ಬೇಕು ಕಾನು
ಗಾಳಿಯ ಮೇಲೆ ತಾನು
ಜಿಗಿದು ಆಡೋಕೇ
ರೆಕ್ಕೆ ಇದ್ದರೆ ಸಾಕೇ

ಹೂವೊಂದಿದ್ದರೆ ಸಾಕೇ
ಬ್ಯಾಡವೆ ಗಾಳಿ
ನೀವೆ ಹೇಳಿ
ಕಂಪ ಬೀರೋಕೇ

ಮುಖವೊಂದಿದ್ದರೆ ಸಾಕೇ
ದುಂಬಿಯಾ ತಾವಾ
ಬ್ಯಾಡವೆ ಹೂವಾ
ಜೇನ ಹೀರೋಕೇ

ರೆಕ್ಕೆ ಇದ್ದರೆ ಸಾಕೇ
ಹಕ್ಕಿಗೆ ಬೇಕು ಬಾನು
ಬಯಲಲಿ ತೇಲುತ ತಾನು
ಮ್ಯಾಲೆ ಹಾರೋಕೇ

ನೀರೊಂದಿದ್ದರೆ ಸಾಕೇ
ಬ್ಯಾಡವೆ ಹಳ್ಳಾ
ಬಲ್ಲವ ಬಲ್ಲಾ
ತೊರೆಯು ಹರಿಯೋಕೇ

ಮೋಡಾ ಇದ್ದರೆ ಸಾಕೇ
ಬ್ಯಾಡವೆ ಭೂಮಿ
ಹೇಳಿ ಸ್ವಾಮಿ
ಮಳೆಯು ಸುರಿಯೋಕೇ

ರೆಕ್ಕೆ ಇದ್ದರೆ ಸಾಕೇ
ಹಕ್ಕಿಗೆ ಬೇಕು ಬಾನು
ಬಯಲಲಿ ತೇಲುತ ತಾನು
ಮ್ಯಾಲೆ ಹಾರೋಕೇ

ಕಣ್ಣೊಂದಿದ್ದರೆ ಸಾಕೇ
ಬ್ಯಾಡವೆ ಮಂದೆ
ಕಣ್ಣಿನ ಮುಂದೆ
ನಿಮಗೆ ಕಾಣೋಕೇ

ಕೊರಳೊಂದಿದ್ದರೆ ಸಾಕೇ
ಬ್ಯಾಡವೆ ಹಾಡು
ಎಲ್ಲರ ಜೋಡಿ
ಕೂಡಿ ಹಾಡೋಕೇ

ರೆಕ್ಕೆ ಇದ್ದರೆ ಸಾಕೇ
ಹಕ್ಕಿಗೆ ಬೇಕು ಬಾನು
ಬಯಲಲಿ ತೇಲುತ ತಾನು
ಮ್ಯಾಲೆ ಹಾರೋಕೇ

ಕಾಲೊಂದಿದ್ದರೆ ಸಾಕೇ
ಚಿಗರಿಗೆ ಬೇಕು ಕಾನು
ಗಾಳಿಯ ಮೇಲೆ ತಾನು
ಜಿಗಿದು ಆಡೋಕೇ

ರೆಕ್ಕೆ ಇದ್ದರೆ ಸಾಕೇ

ಚಿತ್ರ: ಚಿನ್ನಾರಿ ಮುತ್ತಾ
ಸಾಹಿತ್ಯ: ಡಾ. ಎಚ್. ಎಸ್. ವೆಂಕಟೇಶಮೂರ್ತಿ
ಸಂಗೀತ: ಸಿ. ಅಶ್ವಥ್
ಗಾಯನ: ರೇಖಾ ಮತ್ತು ಸಂಗಡಿಗರು


Tag: Rekke Iddare saake

ಕಾಮೆಂಟ್‌ಗಳಿಲ್ಲ: