ಪರಾಗ

ಭಾ ಭೃಂಗವೆ ಬಾ, ವಿರಾಗಿಯಂದದಿ

ಭ್ರಮಿಸುವಿ ನೀನೇಕೆ?

ಕಂಪಿನ ಕರೆಯಿದು ಸರಾಗವಾಗಿರೆ

ಬೇರೆಯ ಕರೆ ಬೇಕೆ?

ಬರಲಿಹ ಕಾಯಿಯ ಪಾಡಿನ ರುಚಿಯೂ

ಇದರೊಳು ಮಡಗಿಹುದು.

ನಾಳಿನ ಹಣ್ಣಿನ ರಸವಿಲ್ಲಿಯ ಮಕ-

ರಂದದೊಳಡಗಿಹುದು.

ಕವನ ಕೋಶದೀ ಕಮಲ ಗರ್ಭದಲಿ

ಪರಾಗವೊರಗಿಹುದು

ನಿನ್ನ ಮುಖಸ್ಪರ್ಶವೂ ಸಾಕು; ಹೊಸ

ಸೃಷ್ಟಿಯೆ ಬರಬಹುದು.

ಸಾಹಿತ್ಯ: ಅಂಬಿಕಾತನಯದತ್ತ

ಭಾವ: ಕಾವ್ಯ ಪರಾಗವು ರಸಿಕಭ್ರಮರಿಗಾಗಿಯೇ ಕಾಯ್ದುಕೊಂಡಿದೆ

Tag: Paraaga

ಹಂಚಿ

ತಮ್ಮ ಸಲಹೆಗಳಿಗೆ ಸುಸ್ವಾಗತ!

ಸಂಸ್ಕೃತಿ ಸಲ್ಲಾಪ