ಕವಿ ಜರಗನಹಳ್ಳಿ ಶಿವಶಂಕರ್ ಕನ್ನಡಕ್ಕಾಗಿ ಅಭಿಮಾನದಿಂದ ದುಡಿದ ಸಹೃದಯರು.  

ಶಿವಶಂಕರ್  1949ರ ಸೆಪ್ಟೆಂಬರ್ 18ರಂದು ಜರಗನಹಳ್ಳಿಯಲ್ಲಿ ಜನಿಸಿದರು. ಅವರು, ವಾಣಿಜ್ಯವಿಭಾಗದಲ್ಲಿ ಪದವಿ ಪಡೆದಿದ್ದರು. ಬ್ಯಾಂಕ್ ಅಧಿಕಾರಿಯಾಗಿ ಕಾರ್ಯನಿರ್ವಹಿಸಿದ ಅವರು, 2001ರಲ್ಲಿ ಸ್ವಯಂ ನಿವೃತ್ತಿ ಪಡೆದು ಸಾಹಿತ್ಯ ಚಟುವಟಿಕೆಗಳಲ್ಲಿ  ಸಕ್ರಿಯರಾಗಿದ್ದರು.

 ಕನ್ನಡ ಸಾಹಿತ್ಯ ಪರಿಷತ್ತಿನ ಗೌರವ ಕಾರ್ಯದರ್ಶಿಗಳಾಗಿ ಸೇವೆ ಸಲ್ಲಿಸಿದ ಜರಗನಹಳ್ಳಿಶಿವಶಂಕರ್, ಸಾವಿರಕ್ಕೂ ಹೆಚ್ಚು ಹನಿಗವನಗಳನ್ನು ಪ್ರಕಟಿಸಿದ್ದಾರೆ. "ಮಳೆ ", “ಆಲಿಕಲ್ಲು”, “ದೇವರನೆರಳು” ಮೊದಲಾದ ಕವನ ಸಂಕಲಗಳು ಅವರ ಸಾಹಿತ್ಯ ಕೃಷಿಯ ಮಜಲುಗಳು. ಇವರಹನಿಗವನಗಳ ಸಂಕಲನ ‘ಝರಿ’ ಉರ್ದು, ಇಂಗ್ಲಿಷ್, ಹಿಂದಿ, ತಮಿಳು, ತೆಲುಗು, ಗುಜರಾತಿಭಾಷೆಗಳಿಗೂ ಅನುವಾದಗೊಂಡಿವೆ.

ಜರಗನಹಳ್ಳಿ ಶಿವಶಂಕರ್ ಅವರು ಅಂಕಣಕಾರರಾಗಿ ಮತ್ತು ಅನೇಕ ಕೃತಿಗಳಸಂಪಾದಕರಾಗಿಯೂ ಕಾರ್ಯನಿರ್ವಹಿಸಿದ್ದರು.

ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ, ದಿನಕರ ದೇಸಾಯಿ ಸಾಹಿತ್ಯ ಪ್ರಶಸ್ತಿ, ಸುವರ್ಣ ಕರ್ನಾಟಕಭೂಷಣ ಪ್ರಶಸ್ತಿ ಸೇರಿದಂತೆ ಹಲವು ಪ್ರಶಸ್ತಿಗಳು ಜರಗನಹಳ್ಳಿ ಶಿವಶಂಕರ್ ಅವರಿಗೆ ಸಂದಿದ್ದವು.

ದೆಹಲಿಯಲ್ಲಿ ನಡೆದ ಹೊರನಾಡಿನ ಕನ್ನಡಿಗರ ಸಮಾವೇಶದಲ್ಲಿನ ಕವಿಗೋಷ್ಠಿಯ ಅಧ್ಯಕ್ಷತೆವಹಿಸಲು ಬಂದಿದ್ದ ಜರಗನಹಳ್ಳಿ ಶಿವಶಂಕರ್ ಅವರು ಆ ಸಂದರ್ಭದಲ್ಲಿ ನನ್ನೊಡನೆ ಅತ್ಯಂತಆಪ್ತರಾಗಿ ಬಹಳಷ್ಟು ಸಮಯ ಮಾತುಕತೆಯಾಡಿದ್ದರು.

ಸರಳ ಸಜ್ಜನಿಕೆಯ ಕನ್ನಡಭಿಮಾನಿ ಕವಿಗಳಾದ ಜರಗನಹಳ್ಳಿ ಶಿವಶಂಕರ್ 2021ರ ಮೇ 5ರಂದು ನಿಧನರಾದರು.  ಅವರ ನೆನಪು ಅತ್ಯಂತ ಆಪ್ತವಾದದ್ದು. 

On Remembrance Day of poet Jaraganahalli Shivashankar 🌷🙏🌷