ಶುಕ್ರವಾರ, ಆಗಸ್ಟ್ 1, 2014

ತನ್ನಿರೆ ಹಾಲ ತನಿ ಎರೆಯೋಣ

ತನ್ನಿರೆ ಹಾಲ ತನಿ ಎರೆಯೋಣ
ತಾಯ ಹಾಲ ಋಣ
ತೀರಿಪ ಇಂದೆ ಪುಣ್ಯ ದಿನ

ತಣ್ಣಗಿರಲಿ ಬೆನ್ನು ಉದರ ಅಣ್ಣ ತಮ್ಮದಿರಾ
ಕಾಯ ನೀಡಿದ ತಾಯಿ ಕರುಳು ನೋಯದಿರಲೆಂದು
ತವರಿನ ಕೀರ್ತಿ ಗಳಿಸೆ ಬೆಳಗಲೆಂದೆಂದು

ಒಂದೇ ಬಸಿರು, ಒಂದೇ ಉಸಿರು, ಹಂಚಿಕೊಂಡಂಥಾ
ನನ್ನ ಅಣ್ಣನ ಬಾಳ ಬಳ್ಳಿ ಬಾಡದಿರಲೆಂದು
ನಲಿವಿನ ತುಂಬು ಜೀವನ ಆಗಲೆಂದೆಂದು  

ತಂದೆ ಯಾರೋ ತಾಯಿ ಯಾರೋ
ಯಾವುದೂ ಅರಿಯೇ
ದೇವರಂಥ ಅಣ್ಣನಿರಲು ಸಂತಸಕೆ ಕೊರೆಯೆ
ಆತನ ಪ್ರೀತಿ ಆಧರ ಎಂದಿಗೂ ಮರೆಯೆ.

ಚಿತ್ರ: ದೇವರು ಕೊಟ್ಟ ತಂಗಿ
ಸಾಹಿತ್ಯ: ಚಿ. ಉದಯಶಂಕರ
ಸಂಗೀತ: ವಿಜಯಭಾಸ್ಕರ್
ಗಾಯನ: ಎಸ್. ಜಾನಕಿ


ಕಾಮೆಂಟ್‌ಗಳಿಲ್ಲ: