ಬಾ ಬಾ ಗಿಳಿಯೆ

ಬಾ ಬಾ ಗಿಳಿಯೆ, ಬಣ್ಣದ ಗಿಳಿಯೇ

ಹಣ್ಣನು ಕೊಡುವೆನು ಬಾ ಬಾ,

ಹಸಿರು ಪಕ್ಕದ ಚಂದದ ಗಿಳಿಯೆ

ನನ್ನೊಡನಾಡಲು ಬಾ ಬಾ.

ಕೆಂಪು ಮೂಗಿನ ಮುದ್ದಿನ ಗಿಳಿಯೆ

ಹಾಡನು ಕಲಿಸುವೆ ಬಾ ಬಾ,

ಮರದಲಿ ಕುಳಿತು ನೋಡುವೆ ಏಕೆ

ಹಾರುತ ಹತ್ತಿರ ಬಾ ಬಾ.

ಠಕ್ಕಿನ ಕಾಮಿ ಮನೆಯೊಳಗಿಲ್ಲ

ಹೆದರುವೆ ಏಕೆ ಬಾ ಬಾ,

ಸೊಕ್ಕಿನ ಟಾಮಿ ಹತ್ತಿರವಿಲ್ಲ

ಕುಣಿಕುಣಿದಾಡುತ ಬಾ ಬಾ.

ಹಾಡುವುದನ್ನು ಕಲಿಸುವೆ ನಿನಗೆ

ಹಾರಲು ಕಲಿಸಲು ಬಾ ಬಾ,

ಹಣ್ಣನು ತಿಂದು, ಹಾಲನು ಕುಡಿದು

ಮುಗಿಲಿಗೆ ಹಾರುವ ಬಾ ಬಾ.

ಸಾಹಿತ್ಯ: ಶಂ ಗು ಬಿರಾದಾರ

Tag: Ba Ba Giliye bannada giliye

ಹಂಚಿ

ತಮ್ಮ ಸಲಹೆಗಳಿಗೆ ಸುಸ್ವಾಗತ!

ಸಂಸ್ಕೃತಿ ಸಲ್ಲಾಪ