ದೋಣಿ ಸಾಗಲಿ ಮುಂದೆ ಹೋಗಲಿ
ದೋಣಿ ಸಾಗಲಿ ಮುಂದೆ
ಹೋಗಲಿ ದೂರ ತೀರವ ಸೇರಲಿ
ಬೀಸು ಗಾಳಿಗೆ
ಬೀಳುತೇಲುವ ತೆರೆಯ ಮೇಗಡೆ ಹಾರಲಿ
ಹೊನ್ನಗಿಂಡಿಯ ಹಿಡಿದು
ಕೈಯೊಳು ಹೇಮವಾರಿಯ ಚಿಮುಕಿಸೆ
ಮೇಘಮಾಲೆಗೆ ಬಣ್ಣವೀಯುತ
ಯಕ್ಷಲೋಕವ ವಿರಚಿಸೆ
ನೋಡಿ ಮೂಡಣದಾ ದಿಗಂತದಿ
ಮೂಡುವೆಣ್ಣಿನ ಮೈಸಿರಿ
ರಂಜಿಸುತ್ತಿದೆ
ಚೆಲುವೆಯಾಕೆಗೆ ಸುಪ್ರಭಾತವ ಬಯಸಿರಿ
ಕೆರೆಯ ಅಂಚಿನ ಮೇಲೆ
ಮಿಂಚಿನ ಹನಿಗಳಂದದಿ ಹಿಮಮಣಿ
ಮಿಂಚುತೀರ್ಪುವ
ಮೂಡುತೈತರೆ ಬಾಲಕೋಮಲ ದಿನಮಣಿ
ಹಸಿರು ಜೋಳದ ಹೊಲದ
ಗಾಳಿಯು ತೀಡಿ ತಣ್ಣಗೆ ಬರುತಿದೆ
ಹುದುಗಿ ಹಾಡುವ ಮತ್ತ
ಕೋಕಿಲ ಮಧುರ ವಾಣಿಯ ತರುತಿದೆ
ದೂರ ಬೆಟ್ಟದ ಮೇಲೆ
ತೇಲುವ ಬಿಳಿಯ ಮೋಡವ ನೋಡಿರಿ
ಅದನೆ ಹೋಲುತ ಅಂತೆ
ತೇಲುತ ದೋಣಿಯಾಟವನಾಡಿರಿ
ನಾವು ಲೀಲಾಮಾತ್ರ ಜೀವರು
ನಮ್ಮ ಜೀವನ ಲೀಲೆಗೆ
ನೆನ್ನೆ ನೆನ್ನೆಗೆ
ಇಂದು ಇಂದಿಗೆ ಇರಲಿ ನಾಳೆಯು ನಾಳೆಗೆ
ಚಿತ್ರ: ಮಿಸ್ ಲೀಲಾವತಿ
ಸಾಹಿತ್ಯ: ಕುವೆಂಪು
ಸಂಗೀತ: ಜಿ. ಕೆ.
ಸುದರ್ಶನಂ
ಗಾಯನ: ಎಸ್. ಜಾನಕಿ ಮತ್ತು ಸುದರ್ಶನಂ
ಗಾಯನ: ಎಸ್. ಜಾನಕಿ ಮತ್ತು ಸುದರ್ಶನಂ
Tag: Doni saagali munde hogali, doni sagali munde hogali
ಕಾಮೆಂಟ್‌ಗಳು