ಶುಕ್ರವಾರ, ಸೆಪ್ಟೆಂಬರ್ 6, 2013

ಕದ್ದು ನೋಡುವೇ ಏಕೆ

ಜಗವೆಂಬ ಗುಡಿಯಲ್ಲಿ
ಬಾಳೆಂಬ ಮಂಟಪದಿ
ಕುಳಿತ ನವ ವಧು ವರರೇ
ಹೃದಯಗಳು ಬೆಸೆದಾಯ್ತು
ಭಯವೇಕೆ ಕಣ್ಣಿಗೆ

ಕದ್ದು ನೋಡುವೇ ಏಕೆ
ಕದ್ದು ನೋಡುವೇ ಏಕೆ
ಎಲೆ ಕಣ್ಣೇ
ಕದಿವುದೆಲ್ಲಾ ನಲುಮೆಯಲ್ಲಿದ್ದಿರುವಾಗ
ಕದ್ದು ನೋಡುವೇ ಏಕೆ

ರೂಪವ ನೋಡಿ ಆತುರವೇ
ದೃಷ್ಟಿ ತಾಕೀತೆಂಬ ಕಾತುರವೇ
ಆರಂಭವೀಗ ಬದುಕು ಕಾದಿರುವಾಗಾ
ಅವಸರವೇಕೀಗ ಎಲ್ಲವೂ ನಿನ್ನದೇ ಆಗಿರುವಾಗ
ಕದ್ದು ನೋಡುವೇ ಏಕೆ

ನೋಡುವ ಆಸೆಗೆ ತಡೆಯೇನು
ಮಮತೆಯ ಕಂಗಳು ಕುರುಡೇನು
ಸಂತಸದ ನೋಟ ತುಂಬಿ ನಿಂತಿರುವಾಗ
ಕದಿಯುವೇ ಏನನ್ನು ಎಲ್ಲರ ಎದುರಲಿ ನೀನಿರುವಾಗಾ
ಕದ್ದು ನೋಡುವೇ ಏಕೆ
ಕದ್ದು ನೋಡುವೇ ಏಕೆ
ಎಲೆ ಕಣ್ಣೇ
ಕದೀವುದೆಲ್ಲಾ ನಲುಮೆಯಲಿದ್ದಿರುವಾಗ
ಕದ್ದು ನೋಡುವೇ ಏಕೆ


ಚಿತ್ರ: ಬಾಂಧವ್ಯ
ಸಾಹಿತ್ಯ: ಎಚ್. ಕೆ. ಯೋಗಾನರಸಿಂಹ
ಸಂಗೀತ: ಆರ್. ರತ್ನ
ಗಾಯನ: ಎಸ್. ಜಾನಕಿ 


Tag: Kaddu noduve eke ele kanne


ಕಾಮೆಂಟ್‌ಗಳಿಲ್ಲ: