ಶನಿವಾರ, ಸೆಪ್ಟೆಂಬರ್ 7, 2013

ಹೊಸ ಬಾಳಿಗೆ ನೀ ಜೊತೆಯಾದೆ

ಹೊಸ ಬಾಳಿಗೆ ನೀ ಜೊತೆಯಾದೆ
ಹೊಸ ಆನಂದ ನೀನಿಂದು ತಂದೆ
ಹೊಸ ರಾಗ ಹೊಸ ತಾಳ
ಹೊಸ ಭಾವಗೀತೆಯೆ ನೀನಾದೆ

ಹೊಸ ರಾತ್ರಿ ಮೂಡಿಬಂದು
ಹೊಸ ಆಸೆ ನೂರು ತಂದು
ಹೊಸ ಸ್ನೇಹದಿಂದ ಬೆಸೆದು
ಹೊಸ ರಾಗ ಮೀಟಿ ಇಂದು
ಹಿತ ನೀಡಿದೆ ಸುಖ ತೋರಿದೆ
ಮನದಲ್ಲಿ ಉಲ್ಲಾಸ ತಂದು

ನಸುನಾಚಿದಾಗ ಮೊಗವು
ಕೆಂಪಾದ ಹೊನ್ನ ಹೂವು
ನಡೆವಾಗ ನಿನ್ನ ನಡುವು
ಲತೆಯಂತೆ ಆಡೊ ಚೆಲುವು
ಕಣ್ತುಂಬಿತು ಮನತುಂಬಿತು
ಅನುರಾಗ ನನ್ನಲ್ಲಿ ತಂದು

ಹೂಮಂಚ ಹೀಗೆ ಇರಲಿ
ಈ ಮಲ್ಲಿಗೆ ಬಾಡದಿರಲಿ
ಈ ರಾತ್ರಿ ಜಾರದಿರಲಿ
ಹಗಲೆಂದು ಮೂಡದಿರಲಿ
ಬೆಳದಿಂಗಳ ಈ ಬೊಂಬೆ
ಬಳಿಯಲ್ಲಿ ಎಂದೆಂದು ಇರಲಿ

ಚಿತ್ರ: ನಾ ನಿನ್ನ ಬಿಡಲಾರೆ
ಸಾಹಿತ್ಯ: ಉದಯಶಂಕರ್
ಸಂಗೀತ: ರಾಜನ್ ನಾಗೇಂದ್ರ
ಗಾಯನ: ಎಸ್.ಪಿ.ಬಾಲಸುಬ್ರಮಣ್ಯಂ, ಎಸ್.ಜಾನಕಿ


Tag: Hosa baalige nee joteyade, Hosa balige nee jotheyade

ಕಾಮೆಂಟ್‌ಗಳಿಲ್ಲ: