ಶುಕ್ರವಾರ, ಜನವರಿ 15, 2016

ಸಂಕ್ರಾಂತಿ



ಹೊಸ ಬಗೆಯಲಿ ಬರಲಿ

ಸುಖ ಸಾವಿರ ತರಲಿ
ಹರಿಸಿ ನಮ್ಮ ಕಣ್ಣ ಕವಿದ ಭ್ರಾಂತಿ
ಮನ್ನಿಸಿ ನಡೆಸಲಿ ಶುಭ ಸಂಕ್ರಾಂತಿ

ತುಳಿದು ಆಳಲಾಗದಂಥ ಬಾಳಿಗೆ

ಹೊನ್ನಿನ ತೋರಣವ ಬಿಗಿದ ನಾಳೆಗೆ
ಹೊಂಬಿಸಿಲಿನ ಹಾದಿಗೆ
ಕೇದಗೆ ಹೂ ಬೀದಿಗೆ
ಮಾತೆಲ್ಲವೂ ಕೃತಿಯಾಗುವ ಜಾಡಿಗೆ|

ಹೊಸ ಬಗೆಯಲಿ ಬರಲಿ

ಸುಖ ಸಾವಿರ ತರಲಿ

ಕಣ್ಣೆರಡೂ ಉರಿವ ದೀಪಸ್ತಂಭ

ಮೇಲೆತ್ತಿದ ತೋಳುಗಳೇ ಕಂಬ
ದೇಹವೇ ಗುಡಿಯಾಗಿ
ನಾಡೇ ಇಡಿಯಾಗಿ
ಸ್ವಾಗತಿಸಲಿ ಸಂಕ್ರಾಂತಿಯ ಕೂಗಿ|

ಸಾಹಿತ್ಯ: ಎನ್. ಎಸ್. ಲಕ್ಷ್ಮೀನಾರಾಯಣ ಭಟ್ಟ

 Tag: Hosa Bageyali Barali

ಕಾಮೆಂಟ್‌ಗಳಿಲ್ಲ: