ಮೊದಲು ಮಾನವನಾಗು

ಓದಿ ಬ್ರಾಹ್ಮಣನಾಗು

ಕಾದಿ ಕ್ಷತ್ರಿಯನಾಗು

ಶೂದ್ರ ವೈಶ್ಯನೆ ಆಗು

ದುಡಿದು ಗಳಿಸಿ

ಏನಾದರೂ ಆಗು

ನಿನ್ನೊಲವಿನಂತಾಗು

ಏನಾದರೂ ಸರಿಯೆ –

ಮೊದಲು ಮಾನವನಾಗು

ಹಿಂದು ಮುಸ್ಲಿಮನಾಗು

ಬೌದ್ಧ ಕ್ರೈಸ್ತನೆ ಆಗು

ಚಾರ್ವಾಕನೇ ಆಗು

ಭೋಗ ಬಯಸಿ

ಏನಾದರೂ ಆಗು

ಹಾರೈಸಿದಂತಾಗು

ಏನಾದರೂ ಸರಿಯೆ –

ಮೊದಲು ಮಾನವನಾಗು

ರಾಜಕಾರಣಿಯಾಗು

ರಾಷ್ಟ್ರಭಕ್ತನೆ ಆಗು

ಕಲೆಗಾರ ವಿಜ್ಞಾನಿ ವ್ಯಾಪಾರಿಯಾಗು

ಏನಾದರೂ ಆಗು

ನೀ ಬಯಸಿದಂತಾಗು

ಏನಾದರೂ ಸರಿಯೇ –

ಮೊದಲು ಮಾನವನಾಗು

ಸಾಹಿತ್ಯ: ಡಾ. ಸಿದ್ದಯ್ಯ ಪುರಾಣಿಕ

Tag: Modalu Manavanagu

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಹಂಚಿ

ಕಾಮೆಂಟ್‌ಗಳು

ತಮ್ಮ ಸಲಹೆಗಳಿಗೆ ಸುಸ್ವಾಗತ!