ಲೋಕದ ಕಣ್ಣಿಗೆ ರಾಧೆಯು ಕೂಡ

ಎಲ್ಲರಂತೆ ಒಂದು ಹೆಣ್ಣು.

ನನಗೋ ಆಕೆ ಕೃಷ್ಣನ ತೋರುವ

ಪ್ರೀತಿಯು ನೀಡಿದ ಕಣ್ಣು.

ತಿಂಗಳ ರಾತ್ರಿ ತೊರೆಯ ಸಮೀಪ

ಉರಿದಿರೆ ಯಾವುದೋ ದೀಪ,

ಯಾರೋ ಮೋಹನ, ಯಾವ ರಾಧೆಗೋ,

ಪಡುತಿರುವನು ಪರಿತಾಪ.

ನಾನು ನನ್ನದು ನನ್ನವರೆನ್ನುವ

ಹಲವು ತೊಡಕುಗಳ ಮೀರಿ,

ಭಾವಿಸಿ ಸೇರಲು ಬೃಂದಾವನವ,

ರಾಧೆ ತೋರುವಳು ದಾರಿ.

ಮಹಾಪ್ರವಾಹ, ತಡೆಯುವರಿಲ್ಲ,

ಪಾತ್ರವಿರದ ತೊರೆ ಪ್ರೀತಿ.

ತೊರೆದರು ತನ್ನ, ತೊರೆಯದು ಪ್ರಿಯನ,

ರಾಧೆಯ ಪ್ರೀತಿಯ ರೀತಿ, ಇದು

ರಾಧೆಯ ಪ್ರೀತಿಯ ರೀತಿ. 

ಸಾಹಿತ್ಯ: ಎಚ್. ಎಸ್. ವೆಂಕಟೇಶಮೂರ್ತಿ

ಚಿತ್ರಕೃಪೆ: http://vrindacalendario.blogspot.in

Tag: Lokada kannige Radheyu kooda ellarante ondu hennu