ದೀನಗಿಂತ ದೇವ ಬಡವ
ದೀನಗಿಂತ ದೇವ ಬಡವ
ಹರಿಗೆ ಎಂದು ಗುಡಿಯನೊಂದ
ಕಟ್ಟುತಿರುವೆನು
ದೀನಗಿಂತ ದೇವ ಬಡವ
ನೆಂದು ಬಗೆವೆನು
ನಿಜವು ವಿಷ್ಣು ವಿಶ್ವದರಸು, ವಿಶ್ವಧಾಮನು
ಒಂದೇ ಹೆಜ್ಜೆಯಿಟ್ಟು ಭುವಿಯ ನಾಕವಳೆದನು
ಎರಡು ಚಿಕ್ಕದೆನ್ನ ಹೃದಯ; ಏನು ಹೊಲಸದು!
ಇಲ್ಲೂ ನೆಲೆಯ ಬೇಡುವವನ ದೈನ್ಯವೆಂಥದು!
ಬೆಳ್ಳಿಬೆಟ್ಟದೊಡೆಯ ಶಿವನು, ಚಂದ್ರಮೌಳಿಯು
ಪ್ರೇಮಮೂರ್ತಿ ಗಿರಿಜೆ ಅವನ ಪ್ರಣಯಕಾಂತೆಯು
ಆದರವನ ಬೀಡು ಮಸಣ, ಲೇಪ ಬೂದಿಯು
ಚರ್ಮ ಉಡುಗೆ, ಹಾವು ತೊಡಿಗೆ, ಬದುಕು ಬಿಕ್ಕೆಯು.
ದೀನಗೊಂದು ವಿಶ್ವಸಾಲದಾಸೆ ತಣಿಸಲು
ದೇವಗೆದೆಯ ಗುಡಿಲೆ ಸಾಕು ನಲಿದು ನೆಲೆಸಲು
ಹರಿಗೆ ಎದೆಯೊಳೊಂದು ಗುಡಿಯ ಕಟ್ಟುತಿರುವೆನು
ದೀನಗಿಂತ ದೇವ ಬಡವನೆಂದು ಬಗೆವೆನು
ಸಾಹಿತ್ಯ: ಪು. ತಿ. ನರಸಿಂಹಾಚಾರ್
Tag: Deenaginta Deva Badava, Harige endu gudiyanonda kattutiruvenu
Tag: Deenaginta Deva Badava, Harige endu gudiyanonda kattutiruvenu
ಬಹಳ ಸುಂದರವಾದ ಕೃತಿ. ಚಿಕ್ಕಂದಿವಲ್ಲಿ ಸ್ಕೂಲ್ ಟೀಚರ್ ಹೇಳಿ ಕೊಟ್ಟಿದ್ದರು. ಮರೆತಿತ್ತು. ಈಗ ಹಾಡಬಹುದು. ಧನ್ಯವಾದಗಳು.
ಪ್ರತ್ಯುತ್ತರಅಳಿಸಿಬಹಳ ಸುಂದರವಾದ ಕೃತಿ. ಚಿಕ್ಕಂದಿವಲ್ಲಿ ಸ್ಕೂಲ್ ಟೀಚರ್ ಹೇಳಿ ಕೊಟ್ಟಿದ್ದರು. ಮರೆತಿತ್ತು. ಈಗ ಹಾಡಬಹುದು. ಧನ್ಯವಾದಗಳು.
ಪ್ರತ್ಯುತ್ತರಅಳಿಸಿಬಹಳ ಸುಂದರವಾದ ಕೃತಿ. ಚಿಕ್ಕಂದಿವಲ್ಲಿ ಸ್ಕೂಲ್ ಟೀಚರ್ ಹೇಳಿ ಕೊಟ್ಟಿದ್ದರು. ಮರೆತಿತ್ತು. ಈಗ ಹಾಡಬಹುದು. ಧನ್ಯವಾದಗಳು.
ಪ್ರತ್ಯುತ್ತರಅಳಿಸಿಬಹಳ ಸುಂದರವಾದ ಕೃತಿ. ಚಿಕ್ಕಂದಿವಲ್ಲಿ ಸ್ಕೂಲ್ ಟೀಚರ್ ಹೇಳಿ ಕೊಟ್ಟಿದ್ದರು. ಮರೆತಿತ್ತು. ಈಗ ಹಾಡಬಹುದು. ಧನ್ಯವಾದಗಳು.
ಪ್ರತ್ಯುತ್ತರಅಳಿಸಿ