ಯಾದವ ನೀ ಬಾ

ಯಾದವ ನೀ ಬಾ ಯದುಕುಲನಂದನ

ಮಾಧವ ಮಧುಸೂದನ ಬಾರೋ

ಸೋದರ ಮಾವನ ಮಥುರೇಲಿ ಮಡುಹಿದ

ಯಶೋದೆಕಂದ ನೀ ಬಾರೋ

ಶಂಖಚಕ್ರಗಳು ಕರದಲಿ ಹೊಳೆಯುತ

ಬಿಂಕದ ಗೋವಳ ನೀ ಬಾರೋ

ಅಕಳಂಕಮಹಿಮ ಆದಿನಾರಾಯಣ

ಬೇಕೆಂಬ ಭಕುತರಿಗೊಲಿಬಾರೋ

ಕಣಕಾಲಂದುಗೆ ಘಲುಘಲುರೆನುತಲಿ

ಝಣಝಣ ವೇಣುನಾದದಲಿ

ಚಿಣ್ಣಿಕೋಲು ಚೆಂಡು ಬುಗುರಿಯನಾಡುತ

ಸಣ್ಣ ಸಣ್ಣ ಗೋವಳರೊಡಗೂಡಿ

ಖಗವಾಹನನೇ ಬಗೆಬಗೆ ರೂಪನೇ

ನಗುಮೊಗದರಸನೇ ನೀ ಬಾರೋ

ಜಗದೊಳು ನಿನ್ನಯ ಮಹಿಮೆಯ ಪೊಗಳುವೆ

ಪುರಂದರವಿಠ್ಠಲ ನೀ ಬಾರೋ

ಸಾಹಿತ್ಯ: ಪುರಂದರದಾಸರು

ಪಂಡಿತ್ ಭೀಮಸೇನ ಜೋಶಿ ಅವರ ಧ್ವನಿಯಲ್ಲಿ

ವಿದುಷಿ ಬಾಂಬೆ ಜಯಶ್ರೀ ಅವರ ಧ್ವನಿಯಲ್ಲಿ

Tag: Yadava nee baa yadukula nandana
Tag: Yadava nee baa

ಹಂಚಿ

ತಮ್ಮ ಸಲಹೆಗಳಿಗೆ ಸುಸ್ವಾಗತ!

ಸಂಸ್ಕೃತಿ ಸಲ್ಲಾಪ