ಕಲಿಯುಗದಲಿ ಹರಿನಾಮವ ನೆನೆದರೆ
ಕಲಿಯುಗದಲಿ ಹರಿನಾಮವ ನೆನೆದರೆ
ಕುಲಕೋಟಿಗಳು ಉದ್ಧರಿಸುವವೋ ರಂಗ
ಸುಲಭದ ಮುಕುತಿಗೆ ಸುಲಭನೆಂದೆನಿಸುವ
ಜಲರುಹನಾಭನ ನೆನೆ ಮನವೇ
ಸ್ನಾನವನರಿಯೆ ಮೌನವನರಿಯೆ
ಧ್ಯಾನವನರಿಯೆನೆಂದೆನಬೇಡ
ಜಾನಕಿವಲ್ಲಭ ದಶರಥನಂದನ
ಗಾನವಿನೋದನ ನೆನೆ ಮನವೇ
ಅರ್ಚಿಸಲಿಯರಿಯೆ ಮೆಚ್ಚಿಸಲರಿಯೇ
ಉಚ್ಛನು ನಾನೆಂದೆನಬೇಡ
ಅಚ್ಯುತಾನಂತ ಗೋವಿಂದಮುಕುಂದನ
ಇಚ್ಛೆಯಿಂದಲಿ ನೆನೆ ಮನವೇ.
ಜಪವೊಂದರಿಯೇ ತಪವೊಂದರಿಯೇ
ಉಪದೇಶದಿಂದೇನೆನಬೇಡ
ಅಪಾರ ಮಹಿಮ ಶ್ರೀಪುರಂದರವಿಠ್ಠಲನ
ಉಪಾಯದಿಂದಲಿ ನೆನೆ ಮನವೇ.
ಸಾಹಿತ್ಯ: ಪುರಂದರದಾಸರು
Tag: Kaliyugadali hari naamava nenedare
ಕಾಮೆಂಟ್‌ಗಳು