ಸಾಂಸ್ಕೃತಿಕ ಪ್ರೀತಿಯ ಕನ್ನಡದ ಕಿಂಡಿ

ಕನ್ನಡ

ಕನ್ನಡ

ಕನ್ನಡವೆಂದರೆ ಎಂತಹದು? ಮಗು,
ಕನ್ನಡವೆಂದರೆ ಎಂತಹದು?
ಕೇಳುವ ಕಿವಿಗೆ ಕಿಣಿಕಿಣಿ ಗೆಜ್ಜೆ!
ಕನ್ನಡವೆಂದರೆ ಬಲು ಇಂಪು!
ಹೇಳುವ ನಾಲಗೆಗಿನಿಜೇನೇ ಅದು
ಕನ್ನಡವೆಂದರೆ ಬಲು ತಂಪು!
ಕನ್ನಡವೆಂದರೆ ಇಂತಹದು – ನಮ್ಮ
ಕನ್ನಡವೆಂದರೆ ಇಂತಹದು!

ಕನ್ನಡವೆಂದರೆ ಎಂತಹದು? ಮಗು
ಕನ್ನಡವೆಂದರೆ ಎಂತಹದು?
ಕಾಣುವ ಕಣ್ಣಿಗೆ ಮುತ್ತಿನ ಮಾಲೆ!
ಕನ್ನಡ ಅಕ್ಷರ ಕಡುಚೆಲುವು!
ಸಾವಿರಕಾಲ ಬಾಳಿದ ಕನ್ನಡ;
ಕನ್ನಡ ನಮ್ಮದಕಿದೆ ಬಲವು!
ಕನ್ನಡವೆಂದರೆ ಇಂತಹದು! – ನಮ್ಮ
ಕನ್ನಡವೆಂದರೆ ಇಂತಹದು!


ಸಾಹಿತ್ಯ: ಜಿ. ಪಿ. ರಾಜರತ್ನಂ

ಚಿತ್ರಕೃಪೆ: ನಿಲುಮೆ.ನೆಟ್

ಕಾಮೆಂಟ್‌ಗಳು

ತಮ್ಮ ಸಲಹೆಗಳಿಗೆ ಸುಸ್ವಾಗತ!
Emotions
Copy and paste emojis inside comment box

ಚಿತ್ರ ಕೃಪೆ: ಎಂ.ಪಿ.ಎಂ. ನಟರಾಜಯ್ಯ