ಮದನ್ ಮೋಹನ್
ಮದನ್ ಮೋಹನ್
ಮದನ್ ಮೋಹನ್ ಹಿಂದಿ ಚಲನಚಿತ್ರರಂಗದ ಮಹಾನ್ ಸಂಗೀತ ಸಂಯೋಜಕರಲ್ಲಿ ಒಬ್ಬರು. ಹಿಂದಿ ಚಲನಚಿತ್ರಗಳಿಗೆ ಅವರು ಸಂಯೋಜಿಸಿದ ಅಮರ ಗಜಲ್ಗಳಿಗಾಗಿ ಅವರು ಚಿರಸ್ಮರಣೀಯರೆನಿಸಿದ್ದಾರೆ.
ಮದನ್ ಮೋಹನ್ 1924ರ ಜೂನ್ 25 ರಂದು ಬಾಗ್ದಾದ್ನಲ್ಲಿ ಜನಿಸಿದರು. ಅವರ ತಂದೆ ರಾಯ್ ಬಹದ್ದೂರ್ ಚುನಿಲಾಲ್ ಕೊಹ್ಲಿ ಇರಾಕಿ ಪೊಲೀಸ್ ಪಡೆಗಳಲ್ಲಿ ಅಕೌಂಟೆಂಟ್ ಜನರಲ್ ಆಗಿ ಕೆಲಸ ಮಾಡುತ್ತಿದ್ದರು. 1932 ರ ನಂತರ, ಅವರ ಕುಟುಂಬವು ಬ್ರಿಟಿಷ್ ಭಾರತದ ಪಂಜಾಬ್ನ ಝೀಲಂ ಜಿಲ್ಲೆಯ ತಮ್ಮ ತವರು ಪಟ್ಟಣವಾದ ಚಕ್ವಾಲ್ಗೆ ಮರಳಿತು. ಕೆಲವು ವರ್ಷಗಳ ಕಾಲ ಅವರು ಲಾಹೋರ್ನಲ್ಲಿರುವ ಸ್ಥಳೀಯ ಶಾಲೆಯಲ್ಲಿ ವ್ಯಾಸಂಗ ಮಾಡಿದರು. ಲಾಹೋರ್ನಲ್ಲಿದ್ದಾಗ ಕರ್ತಾರ್ ಸಿಂಗ್ ಅವರಿಂದ ಶಾಸ್ತ್ರೀಯ ಸಂಗೀತದ ಮೂಲಭೂತ ಅಂಶಗಳನ್ನು ಕಲಿತರು. ಆದಾಗ್ಯೂ ಅವರು ಸಂಗೀತದಲ್ಲಿ ಯಾವುದೇ ಔಪಚಾರಿಕ ತರಬೇತಿಯನ್ನು ಪಡೆಯಲಿಲ್ಲ. ಸ್ವಲ್ಪ ಸಮಯದ ನಂತರ, ಅವರ ಕುಟುಂಬ ಮುಂಬೈಗೆ ಸ್ಥಳಾಂತರಗೊಂಡಿತು, ಅಲ್ಲಿ ಅವರು ಮುಂಬೈನ ಬೈಕುಲ್ಲಾದ ಸೇಂಟ್ ಮೇರಿ ಶಾಲೆಯಲ್ಲಿ ಓದಿದರು. ಮುಂಬೈನಲ್ಲಿ, 11ನೇ ವಯಸ್ಸಿನಲ್ಲಿ ಆಲ್ ಇಂಡಿಯಾ ರೇಡಿಯೋ ಪ್ರಸಾರ ಮಾಡಿದ ಮಕ್ಕಳ ಕಾರ್ಯಕ್ರಮಗಳಲ್ಲಿ ಪಾಲ್ಗೊಂಡಿದ್ದರು. ಡೆಹ್ರಾಡೂನ್ನ ಕರ್ನಲ್ ಬ್ರೌನ್ ಕೇಂಬ್ರಿಡ್ಜ್ ಶಾಲೆಯಲ್ಲಿ ತಮ್ಮ ಶಾಲಾ ಶಿಕ್ಷಣದ ಕೊನೆಯ ವರ್ಷಗಳನ್ನು ಪೂರ್ಣಗೊಳಿಸಿದರು.
ಮದನ್ ಮೋಹನ್ 1943 ರಲ್ಲಿ ಎರಡನೇ ಲೆಫ್ಟಿನೆಂಟ್ ಆಗಿ ಸೈನ್ಯಕ್ಕೆ ಸೇರಿ, ಎರಡನೇ ಮಹಾಯುದ್ಧದ ಅಂತ್ಯದವರೆಗೆ ಎರಡು ವರ್ಷಗಳ ಕಾಲ ಸೇವೆ ಸಲ್ಲಿಸಿದರು. 1946 ರಲ್ಲಿ, ಲಕ್ನೋದ ಆಲ್ ಇಂಡಿಯಾ ರೇಡಿಯೋದಲ್ಲಿ ಕಾರ್ಯಕ್ರಮ ಸಹಾಯಕರಾಗಿ ಸೇರಿದರು. ಅಲ್ಲಿ ಅವರು ಉಸ್ತಾದ್ ಫೈಯಾಜ್ ಖಾನ್, ಉಸ್ತಾದ್ ಅಲಿ ಅಕ್ಬರ್ ಖಾನ್, ಬೇಗಂ ಅಖ್ತರ್ ಮತ್ತು ತಲಾತ್ ಮಹಮೂದ್ ಅವರಂತಹ ಕಲಾವಿದರೊಂದಿಗೆ ಸಂಪರ್ಕಕ್ಕೆ ಬಂದರು. 1947 ರಲ್ಲಿ, ಅವರನ್ನು ದೆಹಲಿಯ ಆಲ್ ಇಂಡಿಯಾ ರೇಡಿಯೋಗೆ ವರ್ಗಾಯಿಸಲಾಯಿತು. ಅಲ್ಲಿ ಅವರು ಅಲ್ಪಾವಧಿಗೆ ಕೆಲಸ ಮಾಡಿದರು.
ಮದನ್ ಮೋಹನ್ ಅವರಿಗೆ ಗಾಯನದಲ್ಲಿ ಆಸಕ್ತಿ ಇತ್ತು.1947 ರಲ್ಲಿ, ಬೆಹಜಾದ್ ಲಕ್ನವಿ ಬರೆದ "ಆನೆ ಲಗಾ ಹೈ ಕೋಯಿ ನಜರ್ ಜಲ್ವಾ ಗರ್ ಮುಜೆ" ಮತ್ತು "ಇಸ್ ರಾಜ್ ಕೋ ದುನಿಯಾ ಜಾಂತಿ ಹೈ" ಎಂಬ ಎರಡು ಗಜಲ್ಗಳನ್ನು ರೆಕಾರ್ಡ್ ಮಾಡುವ ಮೊದಲ ಅವಕಾಶವನ್ನು ಪಡೆದರು. ಶೀಘ್ರದಲ್ಲೇ, 1948 ರಲ್ಲಿ ಅವರು ದೀವಾನ್ ಶರಾರ್ ಬರೆದ “ವೋ ಆಯೆ ತೊ ಮಹಫಿಲ್ ಮೇ ಇತ್ಲಾತೆ ಹುಯೆ ಆಯೆ" ಮತ್ತು "ದುನಿಯಾ ಮುಜೆ ಕಹತೀ ಹೈ ಕೆ ಮೈನ್ ತುಜ್ಕೋ ಭೂಲಾ ಡೂನ್" ಗಜಲ್ಗಳನ್ನು ಹಾಡಿದರು.
1948 ರಲ್ಲಿ, ಶಹೀದ್ ಚಲನಚಿತ್ರಕ್ಕಾಗಿ ಸಂಯೋಜಕ ಗುಲಾಮ್ ಹೈದರ್ ಅಡಿಯಲ್ಲಿ ಲತಾ ಮಂಗೇಶ್ಕರ್ ಅವರೊಂದಿಗೆ "ಪಿಂಜಾರೆ ಮೇ ಬುಲ್ಬುಲ್ ಬೋಲೆ" ಮತ್ತು "ಮೇರಾ ಛೋಟಾಸಾ ದಿಲ್ ದೋಲೆ" ಚಲನಚಿತ್ರದ ಯುಗಳ ಗೀತೆಗಳನ್ನು ಹಾಡಲು ಅವರಿಗೆ ಮೊದಲ ಅವಕಾಶ ಸಿಕ್ಕಿತು. ಆದರೂ ಈ ಹಾಡುಗಳು ಎಂದಿಗೂ ಬಿಡುಗಡೆಯಾಗಲಿಲ್ಲ 1946 ಮತ್ತು 1948 ರ ನಡುವೆ, ಅವರು ಎಸ್.ಡಿ. ಬರ್ಮನ್ ಮತ್ತು ಶ್ಯಾಮ್ ಸುಂದರ್ ಅವರಿಗೆ ಸಹಾಯಕರಾಗಿ ಕೆಲಸ ಮಾಡಿದರು.
1950 ರಲ್ಲಿ ಮುಖೇಶ್ ಮತ್ತು ಶಂಶಾದ್ ಬೇಗಂ ಅವರೊಂದಿಗೆ ಕೆಲಸ ಮಾಡುವ ಮೂಲಕ ಮದನ್ ಮೋಹನ್ ತಮ್ಮ ಮೊದಲ ದೊಡ್ಡ ಬ್ರೇಕ್ ಪಡೆದರು. ಅವರ ಮುಂದಿನ ಚಿತ್ರ ಅದಾ (1951). ಶರಾಬಿಗಾಗಿ ಅವರು ಸಂಯೋಜಿಸಿದ ಎರಡು ಹಾಡುಗಳು; "ಸಾವನ್ ಕೆ ಮಹೀನೇ ಮೇ" ಮತ್ತು "ಕಭಿ ನಾ ಕಭಿ ಕೋಯಿ", ಇವೆರಡನ್ನೂ ದೇವ್ ಆನಂದ್ ಗಾಗಿ ಚಿತ್ರೀಕರಿಸಲಾಯಿತು. ಇವು ಮೊಹಮ್ಮದ್ ರಫಿ ಅವರ ಅತ್ಯಂತ ಪ್ರಸಿದ್ಧ ಹಾಡುಗಳಾಗಿವೆ.
ಮದನ್ ಮೋಹನ್ ಹೇಮಂತ್ ಕುಮಾರ್ ಅವರೊಂದಿಗೆ ಮೊದಲ ಬಾರಿಗೆ ಧೂನ್ (1953) ಚಿತ್ರಕ್ಕಾಗಿ ಕೆಲಸ ಮಾಡಿದರು. ಹೇಮಂತ್ ಕುಮಾರ್ ಲತಾ ಮಂಗೇಶ್ಕರ್ ಅವರೊಂದಿಗೆ "ಹಮ್ ಪ್ಯಾರ್ ಕರೆಂಗೆ" ಹಾಡಿದರು. ಮದನ್ ಮೋಹನ್ ಮತ್ತೆ ಹೇಮಂತ್ ಕುಮಾರ್ ಅವರೊಂದಿಗೆ ಮೊಹರ್ (1959) ಚಿತ್ರಕ್ಕಾಗಿ "ಖೋ ಗಯೇ ಜಾನೇ ಕಹಾನ್" ಎಂಬ ಹಾಡಿನಲ್ಲಿ ಕೆಲಸ ಮಾಡಿದರು. ಕಿಶೋರ್ ಕುಮಾರ್ ಅವರೊಂದಿಗೆ ಪರ್ವಾನಾದಿಂದ "ಸಿಮ್ತಿ ಸಿ, ಶರ್ಮಾಯಿ ಸಿ", ಮನ್ಮೌಜಿಯ "ಜರೂರತ್ ಹೈ, ಜರೂರತ್ ಹೈ", ಏಕ್ ಮುಥಿ ಆಸ್ಮಾನ್ನಿಂದ ಶೀರ್ಷಿಕೆ ಗೀತೆ, ಭಾಯಿ ಭಾಯಿಯಿಂದ "ಮೇರಾ ನಾಮ್ ಅಬ್ದುಲ್ ರೆಹಮಾನ್" ಮತ್ತು ಚಾಚಾ ಝಿಂದಾಬಾದ್ನ "ಆಯ್ ಹಸಿನೋ, ನಜಾನಿನೋ" ಹಾಡುಗಳಲ್ಲಿ ಕೆಲಸ ಮಾಡಿದರು. ಸಾಹೇಬ್ ಬಹದ್ದೂರ್ (1977) ಚಿತ್ರದ "ರಾಹಿ ಥಾ ಮೈನ್ ಆವಾರಾ" ಹಾಡಿಗೆ ಕಿಶೋರ್ ಕುಮಾರ್ ಅವರು ಮದನ್ ಮೋಹನ್ ಅವರ ಕೊನೆಯ ಸಂಯೋಜನೆಯನ್ನು ಹಾಡಿದರು. ಸಂಗೀತ ನಿರ್ದೇಶಕರಾಗಿ, ಅವರು ಮಹೇಂದ್ರ ಕಪೂರ್ ಅವರೊಂದಿಗೆ ಮೊದಲ ಬಾರಿಗೆ ಜೈಲರ್ (1958) ನಲ್ಲಿ ಕೆಲಸ ಮಾಡಿದರು.
1957 ರಲ್ಲಿ, ಮದನ್ ಮೋಹನ್ ಪ್ರಸಿದ್ಧ 'ದೇಖ್ ಕಬೀರಾ ರಾಯಾ' ಚಿತ್ರದ ಸಂಗೀತ ಸಂಯೋಜಿಸಿದರು. ಇದರಲ್ಲಿ ಗಾಯಕ ಮನ್ನಾಡೇ ಅವರು ಸುಮಧುರ "ಕೌನ್ ಆಯಾ ಮೇರೆ ಮನ್ ಕೆ ದ್ವಾರೇ" ಗೆ ತಮ್ಮ ಧ್ವನಿಯನ್ನು ನೀಡಿದರು. ಲತಾ ಮಂಗೇಶ್ಕರ್ ಅವರು "ತೂ ಪ್ಯಾರ್ ಕರೇ ಯಾ ತುಕ್ರಾಯೆ" ಮತ್ತು "ಮೇರಿ ವೀಣಾ ತುಮ್ ಬಿನ್ ರೋಯೆ" ಅನ್ನು ಹಾಡಿದರು, ತಲತ್ ಮಹಮೂದ್ ಅವರು "ಹಮ್ ಸೇ ಆಯಾ ನಾ ಗಯಾ" ಹಾಡನ್ನು ಹಾಡಿದರು.
ಮದನ್ ಅವರು ಗೀತರಚನೆಯನ್ನೂ ಮಾಡಿದ್ದರು. ಜಹಾನ್ ಆರಾ (1964) ದ "ಫಿರ್ ವಹಿ ಶಾಮ್", "ಮೇನ್ ತೇರಿ ನಜರ್ ಕಾ ಸುರೂರ್ ಹೂನ್" ಮತ್ತು "ತೇರಿ ಆಂಖ್ ಕೆ ಆಂಸೂ"
ಹಾಡುಗಳನ್ನು ತಲಾತ್ ಮಹಮೂದ್ ಹಾಡಿದ್ದಾರೆ. ದುಲ್ಹಾನ್ ಏಕ್ ರಾತ್ ಕಿ ಇಂದ "ಏಕ್ ಹಸೀನ್ ಶಾಮ್ ಕೋ", ಜಹಾನ್ ಅರಾದಿಂದ "ಕಿಸಿ ಕಿ ಯಾದ್ ಮೇ", ಆಪ್ ಕಿ ಪರ್ಚೈಯಾನ್ನಿಂದ "ಮೈನ್ ನಿಗಾಹೆನ್ ತೇರೆ ಚೆಹೆರೆ ಸೆ" ಮತ್ತು "ತೇರೆ ದರ್ ಪೆ ಆಯಾ ಹೂನ್", ಲೈಲಾ-ಮಜ್ನು ಇತರ ಹಾಡುಗಳನ್ನು ಒಳಗೊಂಡಂತೆ ಅವರು ನಂತರ ಮೊಹಮ್ಮದ್ ರಫಿ ಹಾಡಿದ ಹಲವಾರು ಹಾಡುಗಳನ್ನು ಸಹ ಬರೆದಿದ್ದಾರೆ. ಸುಮನ್ ಕಲ್ಯಾಣಪುರ್ ಅವರು ಮದನ್ ಮೋಹನ್ ಅವರೊಂದಿಗೆ ಹಲವಾರು ಜನಪ್ರಿಯ ಸಂಯೋಜನೆಗಳಲ್ಲಿ ಹಾಡಿದರು. 1964 ರಲ್ಲಿ, ಅವರು ಮೊಹಮ್ಮದ್ ರಫಿ ಅವರೊಂದಿಗೆ "ಮುಜೆ ಯೇ ಫೂಲ್ ನಾ ದೇ" ಮತ್ತು "ಬಾದ್ ಮುದ್ದತ್ ಕೆ ಯೇ ಘಡಿ ಆಯಿ" ಗೀತೆಗಳನ್ನು ಹಾಡಿದರು. 1965 ರಲ್ಲಿ, ಅವರು ಬಾಂಬೆ ರೇಸ್ ಕೋರ್ಸ್ ಚಿತ್ರಕ್ಕಾಗಿ ಮಹೇಂದ್ರ ಕಪೂರ್ ಅವರೊಂದಿಗೆ "ತೇರೆ ಪ್ಯಾರ್ ಕಾ ಮೈ ದಿವಾನಾ" ಯುಗಳ ಗೀತೆಯನ್ನು ಹಾಡಿದರು.
ಮದನ್ ಮೋಹನ್ ಅವರು ಜಹಾನ್ ಅರಾ (1964) ಚಿತ್ರದಿಂದ "ವೋ ಚುಪ್ ರಹೆನ್ ತೋ" ಮತ್ತು ಮೊಹಮ್ಮದ್ ರಫಿಗಾಗಿ ದುಲ್ಹಾನ್ ಏಕ್ ರಾತ್ ಕಿ (1966) ನಿಂದ "ಮೈನೆ ರಂಗ್ ಲಿ ಆಜ್ ಚುನಾರಿಯಾ" ಅನ್ನು ಸಹ ಸಂಯೋಜಿಸಿದರು. 1962 ರ ಸಿನೋ-ಇಂಡಿಯನ್ ಯುದ್ಧವನ್ನು ಆಧರಿಸಿದ ಚೇತನ್ ಆನಂದ್ ಅವರ ಹಕೀಕತ್ (1964) ಚಿತ್ರಕ್ಕೆ ಮದನ್ ಮೋಹನ್ ಸಂಗೀತ ಸಂಯೋಜಿಸಿದರು. ಇದರಲ್ಲಿ ಬಲರಾಜ್ ಸಾಹ್ನಿ ಮತ್ತು ಧರ್ಮೇಂದ್ರ ನಟಿಸಿದ್ದಾರೆ. ಅವರು "ಕರ್ ಚಲೇ ಹಮ್ ಫಿದಾ" ಮತ್ತು "ಮೇನ್ ಯೇ ಸೋಚ್ ಕರ್ ಉಸ್ಕೆ ದರ್ ಸೆ ಉತಾ" ನಂತಹ ಹಾಡುಗಳನ್ನು ಹಾಡಿರುವ ರಫಿ ಧ್ವನಿಯಲ್ಲಿ ಸಂಯೋಜಿಸಿದರು. "ಜರಾ ಸಿ ಆಹತ್ ಹೋತಿ ಹೈ" ಮತ್ತು ಬಿಡುಗಡೆಯಾಗದ "ಖೇಲೋ ನಾ ಮೇರೆ ದಿಲ್ಸೆ" ಹಾಡುಗಳಿಗೆ ಮಂಗೇಶ್ಕರ್ ಹಾಡಿದರು. 1966 ರಲ್ಲಿ, ಅವರು ಮತ್ತೆ ಲತಾ ಮಂಗೇಶ್ಕರ್ ಅವರೊಂದಿಗೆ ಮೇರಾ ಸಾಯಕ್ಕಾಗಿ ಜೋಡಿಯಾದರು.
ಮದನ್ ಮೋಹನ್ ಅವರ ಮುಂದಿನ ಪ್ರಮುಖ ಸಂಯೋಜನೆ ರಾಜ್ ಖೋಸ್ಲಾ ಅವರ ದಿ ವುಮನ್ ಇನ್ ವೈಟ್ ನ ಆವೃತ್ತಿ, ವೋ ಕೌನ್ ಥಿ?. ಈ ಚಿತ್ರದ "ನೈನಾ ಬರ್ಸೆ ರಿಮ್ ಜಿಮ್", "ಲಾಗ್ ಜಾ ಗಲೇ" ಮತ್ತು "ಜೋ ಹಮ್ನೆ ದಾಸ್ತಾನ್ ಅಪ್ನಿ ಸುನಾಯಿ" ಲತಾ ಮಂಗೇಶ್ಕರ್ ಅವರಿಗೆ ಅಪಾರ ಕೀರ್ತಿ ತಂದವು.
ಐವತ್ತರ ದಶಕದ ಉತ್ತರಾರ್ಧ, ಅರವತ್ತರ ದಶಕದ ಉತ್ತರಾರ್ಧ ಮತ್ತು ಎಪ್ಪತ್ತರ ದಶಕದ ಆರಂಭವು ಮದನ್ ಮೋಹನ್ ಅವರ ವೃತ್ತಿಜೀವನದಲ್ಲಿ ಅತ್ಯಂತ ಮಹತ್ದದ ಅವಧಿಯಾಗಿತ್ತು. ಆ ದಶಕಗಳಲ್ಲಿ ಅವರ ಹಾಡುಗಳಲ್ಲಿ ಅದಾಲತ್, ಅನ್ಪಡ್, ದುಲ್ಹನ್ ಏಕ್ ರಾತ್ ಕಿ, ಮೇರಾ ಸಾಯಾ, ದಸ್ತಕ್, ಹಂಸ್ತೇ ಜಖ್ಮ್, ಹೀರ್ ರಾಂಜಾ, ಮಹಾರಾಜ ಮತ್ತು ಮೌಸಮ್ ಮುಂತಾದ ಚಲನಚಿತ್ರಗಳ ಸಂಯೋಜನೆಗಳು ಸೇರಿವೆ. ಅವರ ಮರಣದ ಐದು ವರ್ಷಗಳ ನಂತರ ಬಿಡುಗಡೆಯಾದ ಚಲ್ಬಾಜ್ ಚಿತ್ರ ಅವರ ಮತ್ತೊಂದು ಮಹತ್ವದ ಕೆಲಸವಾಗಿದೆ. 1962ರ ಅನ್ಫಡ್ ಚಿತ್ರದ 'ಆಪ್ ಕಿ ನಜರೋಂ ಮೆ ಸಂಜಾ' ಲತಾ ಧ್ವನಿಯಲ್ಲಿ ಮೂಡಿರುವ ಮದನ್ ಮೋಹನ್ ಅವರ ಅಪೂರ್ವ ಸಂಯೋಜನೆಗಳಲ್ಲೊಂದು. 1970 ರಲ್ಲಿ, ಪಾಶ್ಚಿಮಾತ್ಯ ಸಂಗೀತಕ್ಕೆ ಬದಲಾದ ಕಾಲದಲ್ಲಿ, ಅವರು ರಾಜಿಂದರ್ ಸಿಂಗ್ ಬೇಡಿ ಅವರ ದಸ್ತಕ್ ಗಾಗಿ ರಾಗಗಳನ್ನು ಆಧರಿಸಿದ ಸಂಗೀತವನ್ನು ನೀಡಿದರು. 1971 ರ 'ದಸ್ತಕ್' ಅತ್ಯುತ್ತಮ ಸಂಗೀತ ನಿರ್ದೇಶನಕ್ಕಾಗಿ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಗಳಿಸಿದರು. ಈ ಚಿತ್ರಕ್ಕಾಗಿ ಲತಾ ಮಂಗೇಶ್ಕರ್ ಹಾಡಿದ ಹಾಡುಗಳು ಅವರ ಅತ್ಯುತ್ತಮ ಗೀತೆಗಳೆಂದು ಪ್ರಸಿದ್ಧಿ ಪಡೆದಿವೆ.
1970 ರ ದಶಕದಲ್ಲಿ, ಮದನ್ ಮೋಹನ್ ಮೊಹಮ್ಮದ್ ರಫಿ ಅವರೊಂದಿಗೆ "ಹೋಕೆ ಮಾಯುಸ್ ತೇರೆ ದಾರ್ ಸೆ", "ತೇರೆ ದಾರ್ ಪೆ ಆಯಾ ಹು", ಮತ್ತು ಲೈಲಾ ಮಜ್ನು ಚಿತ್ರಕ್ಕಾಗಿ "ಬರ್ಬದ್-ಎ-ಮೊಹಬ್ಬತ್", ಹಾಗೆಯೇ ಹೀರ್ ರಾಂಝಾ ಚಿತ್ರಕ್ಕಾಗಿ "ಯೇ ದುನಿಯಾ ಯೇ ಮೆಹ್ಫಿಲ್" ಮತ್ತು "ತೇರೆ ಕೊಚೆ ಮೇ ತೇರಾ ದಿವಾನಾ" ಸೇರಿದಂತೆ ಹಲವಾರು ಜನಪ್ರಿಯ ಹಾಡುಗಳನ್ನು ಸಂಯೋಜಿಸಿದರು. ಅವರು ಬಾವರ್ಚಿ ಚಿತ್ರದಲ್ಲಿ "ತುಮ್ ಬಿನ್ ಜೀವನ್ ಕೈಸಾ ಜೀವನ್" ಹಾಡನ್ನು ಸಂಯೋಜಿಸಿದರು.
"ರಸ್ಮ್-ಎ-ಉಲ್ಫತ್ ಕೋ" ನಂತಹ ಹಾಡುಗಳನ್ನು ಒಳಗೊಂಡ ದಿಲ್ ಕಿ ರಹೇನ್ ಚಿತ್ರಕ್ಕೂ ಅವರು ಸಂಗೀತ ಸಂಯೋಜಿಸಿದರು. ಗಜಲ್ನ ಗೀತರಚನೆಕಾರ ನಕ್ಷ್ ಲಲ್ಲಾಯಲ್ಪುರಿ ಅವರ ಗೀತೆಗೆ ಲತಾ ಮಂಗೇಶ್ಕರ್ ಹಾಡಿದ್ದಾರೆ. ಇದು ಲತಾ ಮಂಗೇಶ್ಕರ್ ಹಾಡಿದ ಅತ್ಯುತ್ತಮ ಹಾಡುಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ.
ಮದನ್ ಮೋಹನ್ ಅವರ ಮಗ ಸಂಜೀವ್ ಕೊಹ್ಲಿ, 2004 ರ ಯಶ್ ಚೋಪ್ರಾ ಚಿತ್ರ ವೀರ್-ಜರಾ ಚಿತ್ರದ ಧ್ವನಿಪಥಕ್ಕಾಗಿ ತಮ್ಮ ದಿವಂಗತ ತಂದೆಯ 11 ಬಳಸದ ಸಂಯೋಜನೆಗಳನ್ನು ಮರುಸೃಷ್ಟಿಸಿದರು. ನಂತರ, ಕೊಹ್ಲಿ ತೇರೆ ಬಾಘೈರ್ ಎಂಬ ಆಲ್ಬಂ ಅನ್ನು ಸಹಾ ಬಿಡುಗಡೆ ಮಾಡಿದರು, ಇದು ಮದನ್ ಮೋಹನ್ ಅವರ ಕೆಲವು ಹಾಡುಗಳನ್ನು ಒಳಗೊಂಡಿದೆ.
ಮದನ್ ಮೋಹನ್ 1975ರ ಜುಲೈ 14ರಂದು ಈ ಲೋಕವನ್ನಗಲಿದರು.
On the birth anniversary of one among the Greatest Music Composers Madan Mohan 🌷🙏🌷
ಕಾಮೆಂಟ್ಗಳು