ಮಂಗಳವಾರ, ಸೆಪ್ಟೆಂಬರ್ 3, 2013

ಗೋಮಾತೆ


ವೇದಗಳಿಗೆ ಮುಂಚೆಯೇ
ದೊರೆತ ದಿವ್ಯಮಾತೆಯೇ
ಕರುಣೆಯಿಂದ ನಮ್ಮ ಸಾಕಿ
ಅಮೃತವೆರೆದ ಪ್ರೀತಿಯೇ

ಕಾಮಧೇನು ನೀನು ನಿನ್ನ
ಮಕ್ಕಳಮ್ಮ ನಾವು
ನಮಗೆಂದೇ ಮೈತಾಳಿದ
ಮನುಜಮಾತೆ ನೀನು

ನಿನ್ನ ಕಂದನಾಹಾರದ
ಪಾಲೊದನು ನಮಗೆ
ಬಿಟ್ಟು ಕೊಡುವ ತ್ಯಾಗಮಯೀ
ಸಮ ಯಾರೇ ನಿನಗೆ?

ಹುಲ್ಲು ತಿಂದು ಹಾಲು ಕರೆವ
ನಡೆದಾಡುವ ಅದ್ಭುತ
ನಿನ್ನ ನಿಜವ ಗ್ರಹಿಸಿದೆ
ಆಧ್ಯಾತ್ಮಿಕ ಭಾರತ

ಹರಿ ನೀಡಿದ ವರಗಳೆರಡು
ಗೀತೆ, ಗೋಮಾತೆ
ದೇಹಕೊಂದು ಆತ್ಮಕೊಂದು 
ಮನುಜನ ಉದ್ಧಾರಕೆ

ಸಾಹಿತ್ಯ: ಡಾ. ಎನ್. ಎಸ್. ಲಕ್ಷ್ಮೀನಾರಾಯಣ ಭಟ್ಟ

Tag: Gomaathe

ಕಾಮೆಂಟ್‌ಗಳಿಲ್ಲ: