ಶನಿವಾರ, ಸೆಪ್ಟೆಂಬರ್ 7, 2013

ಬರೆದೆ ನೀನು ನಿನ್ನ ಹೆಸರ

ಬರೆದೆ ನೀನು ನಿನ್ನ ಹೆಸರ
ನನ್ನ ಬಾಳ ಪುಟದಲೀ
ಬಂದು ನಿಂತೆ ಹೇಗೊ ಎನೋ
ನನ್ನ ಮನದ ಗುಡಿಯಲೀ

ಮಿಡಿದೆ ನೀನು ಪ್ರಣಯನಾದ
ಹೃದಯ ವೀಣೆಯದರಲೀ
ಬೆರೆತು ಹೋದೆ ಮರೆತು ನಿಂದೆ
ಅದರ ಮಧುರ ಸ್ವರದಲೀ

ಕಂಗಳಲ್ಲೇ ಕವನ ಬರೆದು
ಕಳುಹಿದೆ ನೀನಿಲ್ಲಿಗೇ
ಅಂಗಳದೇ ಅರಳಿತಾಗ
ನನ್ನ ಒಲವ ಮಲ್ಲಿಗೇ.

ನಿನ್ನ ನಗೆಯ ಬಲೆಯ ಬೀಸಿ
ಹಿಡಿದೆ ನನ್ನ ಜಾಲದೇ
ಬಂಧಿಸಿದೇ ನನ್ನನಿಂದು
ನಿನ್ನ ಪ್ರೇಮಪಾಶದೇ

ಚಿತ್ರ: ಸೀತಾ
ಸಾಹಿತ್ಯ: ಆರ್ ಎನ್ ಜಯಗೋಪಾಲ್
ಸಂಗೀತ: ವಿಜಯಭಾಸ್ಕರ್
ಗಾಯನ: ಎಸ್ ಜಾನಕಿ


Tag: barede ninu ninna hesara, barede neenu ninna hesara

ಕಾಮೆಂಟ್‌ಗಳಿಲ್ಲ: