ಶುಕ್ರವಾರ, ಸೆಪ್ಟೆಂಬರ್ 6, 2013

ವಸಂತ ಬರೆದನು ಒಲವಿನ ಓಲೆ

ವಸಂತ ಬರೆದನು ಒಲವಿನ ಓಲೆ
ಚಿಗುರಿದ ಎಲೆ ಎಲೆ ಮೇಲೆ
ಪಂಚಮದಲ್ಲಿ ಹಾಡಿತು ಕೋಗಿಲೆ
ಪ್ರೇಮಿಗೆ ಓರ್ವಳೆ ನಲ್ಲೆ

ಹೂಗಳು ದುಂಬಿಯ ಚುಂಬನದಿಂದ
ಪುಳಕಿತವಾಗಿಹ ಕಾಲ
ಮಧುಮಯ ಯೌವನ ಮೈ ಮನ ತುಂಬಿ
ಮೆರೆದಿಹ ವಸಂತ ಕಾಲ
ತೀರದ ಆಸೆಯ ಆರದ ಉರಿಯ
ವಿರಹಿಗೆ ತಂದಿಹ ಕಾಲ

ಬಯಕೆಯು ಅನಂತ ಮುಖದಲಿ ಹೊಮ್ಮಿ
ಚಿಮ್ಮುವ ಆನಂದ ಕಾಲ
ಬಗೆಬಗೆ ಬಣ್ಣದ ಕಾಮನಬಿಲ್ಲು
ಎಲ್ಲೆಡೆ ಕಾಣುವ ಕಾಲ
ಬಳ್ಳಿಯು ಹೆಮ್ಮರ ಆಸರೆ ಕೋರಿ
ತೋಳನು ಬಳಸುವ ಕಾಲ

ಯಾವುದೋ ಮೋಡಿಯ ಮಾದಕ ನಿಶೆಯಲಿ
ಎಲ್ಲವೂ ಇಂದ್ರಜಾಲ
ಮಾಯೆಯ ಅಪ್ಪುಗೆ ಕೈಸೆರೆಯಲ್ಲಿ
ಅಳಿಯದ ವಸಂತಕಾಲ
ಪ್ರೇಮವೋ ಪ್ರೀತಿಯೋ ಪ್ರಣಯವು ಏನೋ
ಲೀಲೆಯನಾಡುವ ಕಾಲ

ಚಿತ್ರ: ಬೆಸುಗೆ
ಸಾಹಿತ್ಯ: ಗೀತಪ್ರಿಯ
ಸಂಗೀತ: ವಿಜಯಭಾಸ್ಕರ್
ಗಾಯನ: ಎಸ್.ಪಿ.ಬಾಲಸುಬ್ರಹ್ಮಣ್ಯಂ, ವಾಣಿ ಜಯರಾಂ

Tag: Vasanta Baredanu olavina ole, Vasantha baredanu olavina ole


ಕಾಮೆಂಟ್‌ಗಳಿಲ್ಲ: