ತಿರುಪ್ಪಾವೈ 28

ಎಲ್ಲಾ ಬುತ್ತಿಯನ್ನೂ ಹಂಚಿಕೊಳ್ಳೋಣ ಬಾ, 

ಜೊತೆಯಾಗಿ ಆಡೋಣ ಬಾ

Thiruppavai 28

ಕರವೈಗಳ್ ಪಿನ್ ಶೆನ್ರು ಕಾನಂ ಶೇರ್‌ನ್ದುಣ್ಬೋಂ 

ಅರಿವೊನ್ರುಮಿಲ್ಲಾದ ವಾಯ್ ಕ್ಕುಲತ್ತು ಉನ್ತನ್ನೈ 

ಪ್ಪಿರವಿಪ್ಪೆರುನ್ದನೈ ಪುಣ್ಣಿಯಂ ಯಾಮುಡೈಯೋಂ ಕುರೈವೊನ್ರುಮಿಲ್ಲಾದ ಗೋವಿಂದಾ ಉನ್ತನ್ನೋಡು 

ಉರವೇಲ್ ನಮ್ಮಕ್ಕಿಂಗೊಳಿಕ ಒಳಿಯಾದು 

ಅರಿಯಾದ ಪಿಳ್ಳೈಹಳೋಂ ಅನ್ಬಿನಾಲೆ ಉನ್ತನ್ನೈ

ಶಿರುಪೇರಳೈತ್ತನವುಂ ಶೀರಿಯರುಳಾದೇ ಇರೈವಾ ನೀತಾರಾಯ್ ಪರೈ ಯೇಲೋರೆಂಬಾವಾಯ್

ಭಾವಾನುವಾದ 28

ಹಂಚಿ ಮೆಲ್ಲುವ ಬಾ ತಂದ ಬುತ್ತಿಯನೆಲ್ಲ ಕೊಳಲಗಾನವ ತುಂಬಿ ಹೃನ್ಮನದಿ 

ಮುಗ್ಧ ಗೋವಳರ ಕುಲದೈವ ಕಲ್ಪತರು ಕಾಮಧೇನುವೆ ಸುವ್ರತನೆ ಸನಾತನನೆ ನಿನ್ನ ಸಂಕಲ್ಪದಿಂದೈದಿರುವೆಮಗಿರಲಿ ನಿನ್ನೊಡನೆ ರಾಸಕ್ರೀಡೆಯ ಬೆಳದಿಂಗಳ

ಬಾಳಸಂಪದವು 

ಇರಲೆಮಗೆ ನಿನ್ನ ಮಮತೆಯ ಅನುಬಂಧ ಭೂತನಾಥೇಶ್ವರ ನಮಿತ

ಸುಚರಿತ 

ನಿನ್ನನನುದಿನವು ಸಖನೆ ಪಾಲ್ಬೆಣ್ಣೆ ಕಳ್ಳನೆಂದಿಹೆವು ಅನುನಯದಿ ಮನ್ನಿಸೆಮ್ಮನು 

ನೀ ಪರಿಪೂರ್ಣ ಸತ್ಯಸ್ವರೂಪ ಗೋಪಿಯರಂತೈದಿರುವ ಮುನಿಗಳನು

ಪೊರೆಯೋ 

ಪಲ್ಗುಣನಿಗೊಲಿದಂತೆ ತೋರೆಮಗೆ ನಿನ್ನನಂತ ವಿಶ್ವರೂಪ ವಿಶ್ವಾತ್ಮ

ಶ್ರೀ ಹರಿಯೆ 

ಫಲಿಸಲಿಂತೆಲ್ಲರನುಪಮ ನೋಂಪಿ ತುಂಬುತೆಲ್ಲಡೆ ಮಂಗಳದ ಮುಂಬೆಳಕು

ಭಾವಾರ್ಥ 28

ಕೃಷ್ಣಾ, ಗೋವುಗಳನ್ನು ಮೇಯಿಸಲು ಹೋಗುವಾಗ ತಿನ್ನಲೆಂದು ತಂದಿರುವ ಎಲ್ಲಾ ಬುತ್ತಿಯನ್ನೂ ಹಂಚಿಕೊಳ್ಳೋಣ ಬಾ. ನೀನು ನಮ್ಮಗೋಪಾಲಕರ ಕುಲ ತಿಲಕ, ಕಲ್ಪತರು ಕಾಮಧೇನು. ನಮ್ಮ ಈ ಚಿಕ್ಕ ಕೋರಿಕೆಯನ್ನು ಈಡೇರಿಸು.

ನಾವು ವಿದ್ಯಾವಂತರಲ್ಲ, ಧರ್ಮವನ್ನು ತಿಳಿದವರಲ್ಲ. ಇಂತಹ ಮುಗ್ದರಾದ ನಮ್ಮ ಕುಲದಲ್ಲಿ ಜನಿಸಬಂದಿರುವ ಸಕಲ ಧರ್ಮಸಾರ ಸಂಗಮನು ನೀನು. 

ಹಿಂದೊಮ್ಮೆಋಷಿಗಳಾಗಿದ್ದವರು ಗೋಪಿಯರಾಗಿ ಬಂದಿರುವ ನಮ್ಮನ್ನು ನಿನ್ನ ಮಾತಿನಂತೆ, ನಿನ್ನ ಸಂಕಲ್ಪದಂತೆ ಬಂದಿರುವ ನಮ್ಮೊಡನೆ ಆಡು ಬಾ.  ನಿನ್ನೊಡನೆ ರಾಸ ಕ್ರೀಡೆಯಾಡುವ ಸೌಭಾಗ್ಯ ಸಂತಸ ನಮಗಿರಲಿ.

ಅಲ್ಲದೆ ಇನ್ನು ಮುಂದೆಯೂ ಜನ್ಮಜನ್ಮಾಂತಲಗಳಲ್ಲಿಯೂ ನಾವೂ ನಮ್ಮ ಜೀವನದಲ್ಲಿ ಸದಾಕಾಲ ನಿನ್ನ ಧ್ಯಾನದಲ್ಲಿರುವಂತೆ ನಮ್ಮನ್ನು ಅನುಗ್ರಹಿಸು.

ನಿನ್ನನ್ನು ನಾವು ಸ್ನೇಹಿತನೇ, ಗೆಳೆಯನೇ, ಪಾಲ್ಗೆಣ್ಣೆ ಕದ್ದ ಕಳ್ಳ ಎಂದು ಅನೇಕ ವಿಧಗಳಿಂದ ಕರೆದಿದ್ದೇವೆ. ಇದು ಕೇವಲ ಪ್ರೀತಿಯಿಂದ, ಆತ್ಮೀಯತೆಯಿಂದ, ಮುಗ್ಧತೆಯಿಂದ ಕರೆದಿದ್ದೆ ಆಗಿದೆ. ಆದ್ದರಿಂದ ನಾವು ತಿಳಿದೋ ತಿಳಿಯದೆಯೋ ಮುಗ್ಧತೆಯಿಂದ ಎಸಗಿರಬಹುದಾದ ಎಲ್ಲ ಅಪರಾಧಗಳನ್ನೂ ಮನ್ನಿಸು.

ನೀನು ಸಕಲ ಚರಾಚರಕ್ಕೆ ಜನಕ ಜನನಿ, ಕಿರೀಟಿಗೊಲಿದು ವಿಶ್ವರೂಪವನ್ನು ತೋರಿಸಿದಂತೆ ನಮಗೂ ಸಹ ನಿನ್ನ ವಿಶ್ವರೂಪ ದರ್ಶನವನ್ನು ಮಾಡಿಸಿ ನಮ್ಮನ್ನು ಉದ್ದರಿಸು.

ನಿನ್ನ ಕಾರುಣ್ಯ ಪೂರ್ಣ ಅನುಗ್ರಹದಿಂದ ನಮ್ಮವ್ರತವು ಈಡೇರಿ ಸಮಸ್ತಲೋಕ್ಯ ಮಂಗಳವಾಗಲಿ.

ಕೃಪೆ: ದಾಸಗೋಪಾಲ ಕಾವ್ಯನಾಮದ ಅರ್ಚಕ ವೇಣುಗೋಪಾಲ್ ಬಿ. ಎಸ್ ಅವರ ಶ್ರೀಗೋದಾದೇವಿ ಅನುಗ್ರಹಿಸಿದ ತಿರುಪ್ಪಾವೈ ಗೀತಮಾಲೆ