ಈ ಒಡಲು ನಿ- ಶ್ಚಿಂತರಾಗಿಹ ಒಬ್ಬರನು ಕಾಣೆ || 

ಬ್ರಹ್ಮನಿಗೆ ಶಿರ ಹೋಗಿ ಬಾಡಿ ಬಳಲುವ ಚಿಂತೆ ಮುನ್ನ ಮಾರುತಿಗೆ ಕಪಿಯಾದ ಚಿಂತೆ 

ಮನ್ಮಥಗೆ ತನು ಸುಟ್ಟು ಬೂದಿಯಾಗಿಹ ಚಿಂತೆ ಕಣ್ಣು ಮೂರುಳ್ಳವಗೆ ತಿರಿದುಂಬ ಚಿಂತೆ || 

ಕಾಮಧೇನುವಿಗೆ ಕರೆದೊಯ್ವರೆಂಬ ಚಿಂತೆ ಕಾಮಿನಿಯರಿಗೆ ಒಡವೆ ವಸ್ತ್ರ ಚಿಂತೆ ಸೀಮೆಯಾಳುವ ದೊರೆಗೆ ಪರದೊರೆಯ ಚಿಂತೆ ಪಾಮರ ನರಗೆ ಬರೆಹ ಬಾರದಿರುವ ಚಿಂತೆ || 

ಧರ್ಮಾತ್ಮರೆಲ್ಲರಿಗೆ ದೀನಜನರಾಚಿಂತೆ ಕರ್ಮಾತ್ಮರೆಲ್ಲರಿಗೆ ಕೆಡುವ ಚಿಂತೆ ವರ್ಮ ಬೆಳೆಸುವರಿಗೆ ವೈರಿ ಕೊಲ್ಲುವ ಚಿಂತೆ 

ಬರ್ಮಣಗೆ ಸತತ ಮೃಷ್ಟಾನ್ನ ಚಿಂತೆ || 

ಭಕ್ತರಿಗೆ ಗುರುವಿನೊಳು ಮುಕ್ತಿ ಬೇಡುವ ಚಿಂತೆ ಮುಕ್ತರಿಗೆ ಪರಮಾತ್ಮ ದೊರೆವ ಚಿಂತೆ ಯುಕ್ತಿ ಬಲ್ಲವಗೆ ವಿವೇಕವಾಡುವ ಚಿಂತೆ 

ವಿರಕ್ತನಾದವಗೆ ಕಾಮ ಸುಡುವ ಚಿಂತೆ || 

ಕ್ಷುದ್ರ ರಕ್ಕಸರಿಗೆಲ್ಲರನು ತಿನ್ನುವ ಚಿಂತೆ 

ನಿದ್ರೆ ಬಾರದವನಿಗೆ ರಾತ್ರಿ ಚಿಂತೆ ಕದ್ದು ತರಲ್ಹೋದವಗೆ ಕೋಳಿ ಕೂಗುವ ಚಿಂತೆ 

ಮುದ್ದು ಪುರಂದರವಿಠಲನೊಬ್ಬನಿಗೆ ನಿಶ್ಚಿಂತೆ ||

ಸಾಹಿತ್ಯ: ಪುರಂದರದಾಸರು