ಭಾರತದ ಪ್ರಮುಖ ಇತಿಹಾಸಕಾರರಲ್ಲಿ ಒಬ್ಬರಾಗಿದ್ದ ಡಾ. ಸುಮಿತ್ ಸರ್ಕಾರ್ ನಿಧನರಾಗಿದ್ದಾರೆ.

ಸುಮಿತ್ ಸರ್ಕಾರ್ 1939ರಲ್ಲಿ ಜನಿಸಿದರು. ಅವರು ಆಧುನಿಕ ಭಾರತದ ಇತಿಹಾಸವನ್ನು ಆಳವಾಗಿ ಅಧ್ಯಯನ ಮಾಡಿದ ಭಾರತದ ಪ್ರಮುಖ ಇತಿಹಾಸಕಾರರಲ್ಲಿ ಒಬ್ಬರು. ಕೋಲ್ಕತ್ತಾದ ಪ್ರೆಸಿಡೆನ್ಸಿ ಕಾಲೇಜಿನಲ್ಲಿ ಇತಿಹಾಸವನ್ನು ಅಭ್ಯಾಸ ಮಾಡಿ, ಕೋಲ್ಕತ್ತಾ ವಿಶ್ವವಿದ್ಯಾಲಯದಿಂದ ಸ್ನಾತಕೋತ್ತರ ಪದವಿ ಹಾಗೂ ಪಿಎಚ್.ಡಿ. ಪಡೆದರು. ಅವರು ಕೋಲ್ಕತ್ತಾ ವಿಶ್ವವಿದ್ಯಾಲಯ, ಬರ್ಧಮಾನ್ ವಿಶ್ವವಿದ್ಯಾಲಯಗಳಲ್ಲಿ ಬೋಧಕರಾಗಿ ಸೇವೆ ಸಲ್ಲಿಸಿ, ನಂತರ ದೆಹಲಿ ವಿಶ್ವವಿದ್ಯಾಲಯದಲ್ಲಿ ಇತಿಹಾಸದ ಪ್ರಾಧ್ಯಾಪಕರಾಗಿದ್ದರು. 

ಭಾರತದ ಸ್ವಾತಂತ್ರ್ಯ ಚಳವಳಿ, ರಾಷ್ಟ್ರೀಯತೆ, ವಸಾಹತುಶಾಹಿ ಹಾಗೂ ಸಾಮಾನ್ಯ ಜನರ ಸಾಮಾಜಿಕ-ರಾಜಕೀಯ ಚಳವಳಿಗಳ ಕುರಿತು ಅವರ ಸಂಶೋಧನೆಗಳು ವಿಶೇಷ ಮಹತ್ವ ಪಡೆದಿವೆ. ‘The Swadeshi Movement in Bengal, 1903–1908’, ‘Modern India: 1885–1947’ ಮತ್ತು ‘Writing Social History’ ಅವರ ಪ್ರಮುಖ ಕೃತಿಗಳು. ಇತಿಹಾಸವನ್ನು ಕೇವಲ ಗಣ್ಯರು ಮತ್ತು ರಾಜಕೀಯ ನಾಯಕರ ದೃಷ್ಟಿಕೋನದಿಂದ ಮಾತ್ರವಲ್ಲದೆ, ಸಾಮಾನ್ಯ ಜನರ ಅನುಭವಗಳ ಮೂಲಕವೂ ಅರ್ಥಮಾಡಿಕೊಳ್ಳಬೇಕೆಂಬ ವಿಚಾರಕ್ಕೆ ಅವರು ಮಹತ್ವ ನೀಡಿದರು. 

ಸುಮಿತ್ ಸರ್ಕಾರ್ Subaltern Studies ಚಳವಳಿಯ ಆರಂಭಿಕ ಪ್ರಮುಖ ವಿದ್ವಾಂಸರಲ್ಲಿ ಒಬ್ಬರಾಗಿದ್ದರು; ನಂತರ ಅದರ ಕೆಲವು ಸೈದ್ಧಾಂತಿಕ ಬೆಳವಣಿಗೆಗಳ ಬಗ್ಗೆ ವಿಮರ್ಶಾತ್ಮಕ ನಿಲುವನ್ನೂ ತಳೆದರು. ಆಧುನಿಕ ಭಾರತದ ಇತಿಹಾಸಲೇಖನಕ್ಕೆ ಅವರ ಕೊಡುಗೆ ಅತ್ಯಂತ ಪ್ರಭಾವಶಾಲಿಯಾಗಿದೆ.

ಅವರ ‘Writing Social History’ ಕೃತಿಗೆ 2004ರಲ್ಲಿ ಪಶ್ಚಿಮ ಬಂಗಾಳ ಸರ್ಕಾರದ ರವೀಂದ್ರ ಪುರಸ್ಕಾರ ದೊರೆಯಿತು. 

ಸುಮಿತ್ ಸರ್ಕಾರ್ 2026ರ ಆಗಸ್ಟ್ 13ರಂದು ಈ ಲೋಕವನ್ನಗಲಿದರು.

Respects to departed soul Great Historian Dr. Sumit Sarkar 🌷🙏🌷