ನನ್ನವರಾರೂ ನನಗಿಲ್ಲ,

ನೀನಲ್ಲದೆ ಬೇರೆ ಗತಿ ಇಲ್ಲ;

ನನ್ನಲಿ ಏಕೆ ಕೃಪೆ ಇಲ್ಲ?

ಗುರುರಾಯನೆ ನೀನೇ ನನಗೆಲ್ಲ.

ಹೊಸ ಹೊಸ ಆಸೆಯು ದಿನವೆಲ್ಲ,

ಈ ಮನವನು ಹಿಂಡಿದೆ ಸುಖವಿಲ್ಲ;

ಮೂಡುವ ಬಯಕೆಗೆ ಕೊನೆಯಿಲ್ಲ,

ಅದು ಮುಗಿಯದೆ ಶಾಂತಿಯು ನನಗಿಲ್ಲ.

ಕತ್ತಲೆ ತುಂಬಿದೆ ಇಲ್ಲೆಲ್ಲ,

ನೀ ಬೆಳಕನು ತೋರದೆ ಬದುಕಿಲ್ಲ;

ಕಂಬನಿ ಮಿಡಿದರೂ ಯಾರಿಲ್ಲ,

ನಿನ್ನ ಬೆಂಬಲವಿಲ್ಲದೆ ಸುಖವಿಲ್ಲ.

ನೊಂದೆನು ನಾನು ಬಾಳೆಲ್ಲ,

ಈ ಕಂದನ ನೆನಪು ಏಕಿಲ್ಲ?

ನೆಮ್ಮದಿಯೊಂದನೆ ಬೇಡುವೆನು,

ನೀ ನೀಡದೆ ಹೋದರೆ ನಾನಿಲ್ಲ.

ಸಾಹಿತ್ಯ: ಚಿ. ಉದಯಶಂಕರ

ಗಾಯನ: ರಾಜ್ ಕುಮಾರ್

Tag: Nannavaraaroo nanagilla

ಹಂಚಿ

ತಮ್ಮ ಸಲಹೆಗಳಿಗೆ ಸುಸ್ವಾಗತ!

ಸಂಸ್ಕೃತಿ ಸಲ್ಲಾಪ