ನಾರಾಯಣ ನಿನ್ನ ನಾಮದ ಸ್ಮರಣೆಯ

ಸಾರಾಮೃತವೆನ್ನ ನಾಲಿಗೆಗೆ ಬರಲಿ

ಕೂಡುವಾಗಲಿ ನಿಂತಾಡುವಾಗಲಿ
ಮತ್ತೆ ಹಾಡುವಾಗಲಿ ಹರಿದಾಡುವಾಗಲಿ

ಕೋಟಿ ವಿನೋದದಿ ನೋಡದೆ ನಾ
ಬಲು ಮಾಡಿದ ಪಾಪ ಬಿಟ್ಟೋಡಿ ಹೋಗೋ ಹಾಗೇ

ಕಷ್ಟದಲ್ಲಿರಲಿ ಉತ್ಕೃಷ್ಟದಲ್ಲಿರಲಿ

ಎಷ್ಟಾದರೂ ಮತಿಕೆಟ್ಟು ಇರಲಿ

ಕೃಷ್ಣ ಕೃಷ್ಣ ಎಂದು ಶಿಷ್ಟರು ಪೇಳುವ

ಅಷ್ಟಾಕ್ಷರ ಮಹಾ ಮಂತ್ರದ ನಾಮವ

ಕನಸಿನೊಳಗಾಗಲಿ ಕನವಲಿಕಾಗಲಿ

ಮನಸುಗೊಟ್ಟಿರಲಿ ಮುನಿದಿರಲಿ

ಜನಕಜಾಪತಿ ನಿನ್ನ ಚರಣ ಕಮಲವನ್ನು

ಮನಸಿನೊಳಗೆ ಒಮ್ಮೆ ನೆನೆಸಿಕೊಳ್ಳೋ ಹಾಗೆ

ಸಂತತ ಹರಿ ನಿನ್ನ ಸಾಸಿರ ನಾಮವ

ಅಂತರಂಗದ ಒಳಗಿರಿಸಿ

ಎಂತೋ ಪುರಂದರ ವಿಠ್ಠಲರಾಯನ

ಅಂತ್ಯ ಕಾಲದಲ್ಲಿ ಚಿಂತಿಸೋ ಹಾಗೆ

ಸಾಹಿತ್ಯ; ಪುರಂದರದಾಸರು

Tag: Narayana ninna namada smaraneya

ಹಂಚಿ

ತಮ್ಮ ಸಲಹೆಗಳಿಗೆ ಸುಸ್ವಾಗತ!

ಸಂಸ್ಕೃತಿ ಸಲ್ಲಾಪ