ಕೂಡಿ ಕಲಿತೆವು ಒಡನೆ ಕುಣಿದಾಡುತಾ

ಕಂಡ ಕನಸುಗಳೆಷ್ಟೋ ಆಡಿದಾಟಗಳೆಷ್ಟೋ

ಕೊನೆ ಉಂಟೆ ಮೊದಲುಂಟೆ ಕನಸೆ ಜೀವ

ಉಗಿಯ ನಿಲ್ದಾಣದಲಿ ಜನಜಂಗುಳಿಯು ನೆರೆಯೆ

ಕ್ಷಣಗಳೆರಡುರುಳೆ

ಹಾದಿ ಹಿಡಿದೂ ನಾವು ಸಾಗಿದಂತೆ ಬಾಳು

ಮತ್ತೆ ಕೂಡುವೆವೆಂಬ ಬಯಕೆ ಬರಡು

ಕಾಲ ಸಾಗುವುದೆಂಬ ಭ್ರಾಂತಿ ಬಡಿದೆದ್ದಾಗ

ಭೀತಿಯಲಿ ಅಪ್ಪಿದೆವು ಬಯಕೆಗಳನು

ಕಾಲ ಸಾಗುವುದುಂಟೆ ಸಾಗುವುದು ನಾವಂತೆ

ಕಾಲ ಉಳಿಯುವುದಿಲ್ಲೆ,  ನರರೆ ಚರರು.

ಸಾಹಿತ್ಯ: ಎಸ್. ಅನಂತನಾರಾಯಣ

Pic courtesy : https://www.theodysseyonline.com/bond-college-friend-group-lifetime