ಬಿ. ಜಯಾ ಕನ್ನಡದ ನಿಷ್ಠಾವಂತ ಕಲಾವಿದೆ ಎನಿಸಿದ್ದವರು. 

ಕೊಳ್ಳೇಗಾಲದ ಮೂಲದವರಾದ ಬಿ.ಜಯಾ 1944ರ ಸೆಪ್ಟೆಂಬರ್ 3ರಂದು ಜನಿಸಿದರು. ಅವರತಂದೆ ಬಸಪ್ಪನವರು ರಂಗಭೂಮಿ ಕಲಾವಿದರು.  ಬಾಲಕಿ ಜಯಾ ಚಿಕ್ಕಂದಿನಲ್ಲೇ ನೂರಾರುನಾಟಕಗಳಲ್ಲಿ ನಟಿಸಿದ್ದರು.

ಜಯಾ ಎಂದರೆ ತಕ್ಷಣ ನೆನಪಿಗೆ ಬರುವುದು ನರಸಿಂಹರಾಜು ಮತ್ತು ದ್ವಾರಕೀಶ್ ಅವರೊಂದಿಗೆಲೀಲಾಜಾಲವಾಗಿ ಅವರು ಅಭಿನಯಿಸುತ್ತಿದ್ದ ಹಾಸ್ಯಪಾತ್ರಗಳು. ಭಾವಪೂರ್ಣತೆಯನ್ನೂ ಅವರಅಭಿನಯದಲ್ಲಿ ಕಾಣಬಹುದಿತ್ತು.

1958ರಲ್ಲಿ ‘ಭಕ್ತ ಪ್ರಹ್ಲಾದ’ ಸಿನಿಮಾ ಮುಖಾಂತರ ಕನ್ನಡ ಚಿತ್ರರಂಗಕ್ಕೆ ಕಾಲಿರಿಸಿದ್ದ ಜಯಾ ಅವರುಇತ್ತೀಚಿನ ವರ್ಷಗಳಲ್ಲಿನ ಟಿವಿ ಯುಗದ 'ಪಾಪ ಪಾಂಡು', 'ಸರಸು' ಸೇರಿದಂತೆ ಅನೇಕಧಾರಾವಾಹಿಗಳಲ್ಲಿ ಸಹಾ ನಟಿಸುತ್ತಿದ್ದರು.  

350ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದ  ಜಯಾ ಅವರು 2004-05ರ ಸಾಲಿನಲ್ಲಿ ‘ಗೌಡ್ರು’ ಚಿತ್ರಕ್ಕೆರಾಜ್ಯ ಸರ್ಕಾರದ ಶ್ರೇಷ್ಠ ಪೋಷಕ ನಟಿ ಪ್ರಶಸ್ತಿಯನ್ನು ಪಡೆದಿದ್ದರು.  ಹಾಸ್ಯನಟರಾದನರಸಿಂಹರಾಜು, ದ್ವಾರಕೀಶ್‌ ಮುಂತಾದವರ ಜೊತೆಗಿನ ಜಯಾ ಅವರ ನಟನೆ ಇನ್ನೂ ಪ್ರೇಕ್ಷಕರಮನಸ್ಸಿನಲ್ಲಿ ಅಚ್ಚಳಿಯದೇ ಉಳಿದಿದೆ. ವಿಷ್ಣುಸೇನೆ ಚಿತ್ರದಲ್ಲಿ ವಿಷ್ಣುವರ್ಧನ್ ಅವರೊಂದಿಗೆಭಾವಪೂರ್ಣ ಸನ್ನಿವೇಶಗಳಲ್ಲಿ ಅವರು ನಟಿಸಿದ್ದುದೂ ನೆನಪಾಗುತ್ತಿದೆ. ಪ್ರತಿಜ್ಞೆ, ಬೆಟ್ಟದ ಹುಲಿ, ನ್ಯಾಯವೇ ದೇವರು, ದಶಾವತಾರ, ಕನ್ಯಾರತ್ನ, ಮನ ಮೆಚ್ಚಿದ ಮಡದಿ, ಸತೀ ಶಕ್ತಿ, ವಾಲ್ಮೀಕಿ, ವೀರಕೇಸರಿ, ಪ್ರೇಮಮಯಿ, ಎಮ್ಮೆ ತಮ್ಮಣ್ಣ,  ಬೆಳ್ಳಿಮೋಡ, ನಮ್ಮ ಮಕ್ಕಳು, ತಾಯಿ ದೇವರು, ಕುಳ್ಳ ಏಜೆಂಟ್ 000, ಗಂಧದ ಗುಡಿ, ಸಂಪತ್ತಿಗೆ ಸವಾಲ್, ದೇವರ ಗುಡಿ, ಶುಭಮಂಗಳ, ಮಿಲನ, ಮುರಾರಿ, ಕಲ್ಪನ 2 ಹೀಗೆ ಅವರ ಚಿತ್ರವೈವಿಧ್ಯಗಳು ಅನೇಕ.

ಬಿ. ಜಯಾ 2021ರ ಜೂನ್ 3ರಂದು ಈ ಲೋಕವನ್ನಗಲಿದರು.  ಹಿರಿಯ ಕಲಾವಿದರು ತಮ್ಮಬದುಕಿನಲ್ಲಿ ಎಷ್ಟೇ ಕಷ್ಟಗಳನ್ನುಂಡಿದ್ದರೂ ತಮ್ಮ ಕಲಾಪ್ರತಿಭೆಯ ಮೂಲಕ ಉಳಿಸಿ ಹೋದನೆನಪುಗಳು ಸ್ಮರಣೀಯವಾದದ್ದು.

On Remembrance Day of actress B. Jaya